DEUTERONOMI 16:19 - Lai (Hakha) Common Language Bible 2006

¹⁹ Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

DEUTERONOMI 16:19 Խաչաձեւ Հղումներ

LEVITIKAS 19:15

“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

EXODUS 23:2

Ṭhat lonak tuah ah an tam deuh ai pat tiin a tam deuh leiah khan va ṭang hlah, cun biaceihnak ah a tam deuh lawmhnak a si paoh ahcun tiin dinnak a khamtu tehte va si hlah.

PHUNGTHLÛKBIA 17:23

Biaceihtu ṭhalo nih ziknawh an lak tawn i dinnak in bia an ceih lo.

HABAKKUK 1:4

Cucaah nawlbia cu san a tlai ti lo i biading cu teitu a si kho ti lo; Miṭhalo nih khan miding mi cu an fimneh hna i cucaah biading cu merh lengmang a si ko cang.

DEUTERONOMI 24:17

“Mipem siseh, pangeilo siseh, a hmuh awk hnga biading cu nan merhpiak lai lo, nuhmei puan zong biahrennak ah nan la lai lo;

DEUTERONOMI 10:17

Zeitintiah Bawipa nan Pathian cu pathian hna Pathian le bawi hna Bawi, a lianngan i a ṭhawng i ṭih a nungmi Pathian, duhdanh a ngei lo i ziknawh a la lomi a si.

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

PHUNGCHIMTU 7:7

Mifim mi nih midang pakhatkhat a hlen hna ahcun, mihrut bantukin rian a ṭuan a si. Nawhthuh nih lungthin a ṭhutter.

PHUNGTHLÛKBIA 24:23

Mah hihi mifim mi hna bia a dang an si rih: biaceih i duhdanh ngeih cu a ṭha lo,

DEUTERONOMI 27:19

“ ‘Mipem le pangeilo le nuhmei nih an hmuh awk hnga a simi biading a merhtu cu chiat seh,’ tiah an thanh lai. Cun mi vialte nih, ‘Amen’ an ti lai.

LAMKALTU 23:3

Amah cu Paul nih a thawh i, “Si rang thuhmi vampang, nangmah cu Pathian nih an bengh lai. Zeitindah keimah cu Phung ningin ka bia ceih awkah khaka ah khan na ṭhut i Phung he aa ralchanh in, hei beng u, na ti fawn ṭung hna?” tiah a ti.

LAMKALTU 16:37

Sihmanhsehlaw Paul nih palik bawi pawl kha a thawh hna i, “Kannih cu kan sualnak zeihmanh an kan hmu lo, asinain zapi hmaiah fung in an kan tuk — Rom mi kan si ve ṭung! Cun thong chungah an kan thlak. Cun atu cu a thli tein kalter an kan duh. A si kho lai lo. Rom bawi pawl cu anmah hrimhrim ra hna seh law ra kan chuah hna seh,” tiah a ti.

LAMKALTU 10:34

Peter nih cun aa thawh i, “Atu cu Pathian nih mi vialte kha aa ruang tein a zoh hna ti kha ka hngalh.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

JEREMIAH 5:28

An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

ISAIAH 33:15

A dingmi thil kha na chim i na tuah ahcun na celh ko lai. Na lianhngannak cu misifak hlennak ah khan hmang hlah law ziknawh kha la hlah. Lainawnnak tuah awk le thil dang a ṭha lomi tuah awkah khua a khangmi kha kom hna hlah.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

PHUNGTHLÛKBIA 24:28

Zei ruang setsai lo ah na innpa cungah tehte va si hlah, Amah kong ah thil a ping i a kalter khotu ding bia zong va chim hlah.

1 SAMUEL 12:3

Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai,” tiah a ti.

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

EXODUS 23:3

Biaceih tikah misifak cungah duhdanhnak zeihmanh ngei hlah.

DEUTERONOMI 16:18

“Bawipa nan Pathian nih an pekmi hna nan khua dihlak chungah, nan phun ning cio ah, biaceihtu hna le bawi hna kha nan chiah hna lai i mi kha dinnak biaceihnak in bia an ceih hna lai.

1 SAMUEL 8:1

Samuel cu a tar tikah a fapale hna kha Israel mi cung i biaceihtu ah a ser hna.

SALM 15:5

a karh la loin mi tangka a cawih i a sual lomi hna sual phawt awkah ziknawh pek khawh lomi cu an si. Hi thil a tuahmi hna cu an i hnin bal lai lo.

PHUNGTHLÛKBIA 15:27

A hak a kaumi nih a innchungkhar cungah harnak a tlunter, sihmanhsehlaw nawhthuh a duh lomi cu saupi a nung lai.

PHUNGTHLÛKBIA 18:5

Miṭhalo sin i duhdanh ngeih cu a ṭha lo, miding mi biading coh lo zong a ṭha lo.

PHUNGTHLÛKBIA 31:5

Annih nih an din tikah upadi kha an philh i harnak a ingmi hna nih an hmuh awk hnga thil a simi kha zeirello in an um.

DEUTERONOMI 27:25

“ ‘A sual lomi thah awkah ziknawh a lami cu chiat seh,’ tiah an thanh lai. Cun mi vialte nih, ‘Amen’ an ti lai.

EZEKIEL 18:8

A miak lak in siseh, a karh in siseh, tangka a cawih bal hna lo.