DEUTERONOMI 16:18 - Lai (Hakha) Common Language Bible 2006

¹⁸ “Bawipa nan Pathian nih an pekmi hna nan khua dihlak chungah, nan phun ning cio ah, biaceihtu hna le bawi hna kha nan chiah hna lai i mi kha dinnak biaceihnak in bia an ceih hna lai.

DEUTERONOMI 16:18 Խաչաձեւ Հղումներ

1 CHANRELNAK 23:4

David nih, “Hi hna chung hin sang hnih le thong li nih Bawipa innchung rianṭuan kha an ṭuanvo a si lai i thong ruk cu biaceihtu le bawi an si lai,

1 CHANRELNAK 26:29

Izhar mi hna chungin, Khenaniah le a fapa hna cu Israel ram a lenglei rian ah, bawi hna le biaceihtu hna ah thiah an si.

DEUTERONOMI 21:2

nan upa hna le nan biaceihtu hna kha an chuak lai i thah a simi pawngkam ah a ummi khua kha zei can hlat dah an si tiah an tah hna lai;

DEUTERONOMI 17:12

Bawipa nan Pathian hmai i rianṭuan awkah a dirmi tlangbawi siseh, biaceihtu siseh, an bia ngaih loin hramhram in a tuahtu cu a thih awk a si lai; cuticun Israel chungin ṭhat lonak cu nan thianh lai.

DEUTERONOMI 17:9

Levi mi tlangbawi hna le cu caan i biaceihtu a simi sinah cun nan va kal lai i nan hal hna lai i biakhiahnak cu an in thanh hna lai.

EXODUS 21:6

a bawipa nih khan Pathian sinah a chuahpi lai; innka ah maw innka tung ah khan maw a chuahpi lai i a hna an vih lai. A thih tiang a sal a si lai.

MATTHAI 5:21

“ ‘Lai va nawng hlah u, lai a nawngmi paoh cu biaceihtu hmaiah chuahpi a si lai, tiah hlanlio mi an rak ti tawn hna, ti kha nan theih.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

DEUTERONOMI 16:17

Bawipa nan Pathian nih thluachuahnak an pek hna ning cio ah mi kip nih nan ti khawh tawk cio ah nan pek lai.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

1 SAMUEL 8:1

Samuel cu a tar tikah a fapale hna kha Israel mi cung i biaceihtu ah a ser hna.

EZRA 7:25

“Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai.

PHUNGTHLÛKBIA 31:23

A va cu ram chung upa hna sinah a ṭhut tikah, hauka ah khan theihhngalhmi a si.

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

EXODUS 21:22

“I vuak i velhnak hmun ah, fapawi nu pakhatkhat kha pa pakhatkhat nih a tuk i amah cu a thi lo nain a fa kha a rawk ahcun, a tutu pa kha a tukmi nu i a va nih ka liamh seh a ti zat paoh in dantat a si lai i biaceihtu hna nih cawi seh an timi zat in a cawi lai.

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,