DEUTERONOMI 16:17 - Lai (Hakha) Common Language Bible 2006

¹⁷ Bawipa nan Pathian nih thluachuahnak an pek hna ning cio ah mi kip nih nan ti khawh tawk cio ah nan pek lai.

DEUTERONOMI 16:17 Խաչաձեւ Հղումներ

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

DEUTERONOMI 16:10

Bawipa nan Pathian nih thluachuah an pek hna ningin nan kut chung chuakmi chungin mah lungtho te pekchanhnak he cun Bawipa nan Pathian caah zarh hna puai cu nan tuah lai;

LEVITIKAS 27:8

Cun a man na tuakmi cu pakhatkhat nih a si a fah tuk caah a pek khawh lo ahcun, a minung cu tlangbawi hmaiah a chuahpi lai i tlangbawi nih cun a man cu a tuak lai; biakamnak a sertu nih a ti khawhning khan in tlangbawi nih a man cu a tuak lai.

EZRA 2:63

uktu bawi nih khan annih cu a thawh hna i, Urim le Thummim hal awkah tlangbawi a um hlan paoh cu rawl thiang bik kha nan ei lai lo, tiah a ti hna.

DEUTERONOMI 16:16

“Kum khat ah nan lak i pa vialte nih Bawipa hmaiah a thim laimi hmun ah voi thum an chuak lai: thilnu telh lo changreu puai le zarh hna puai le deu puai ah an si lai. Bawipa hmaiah kutro in an chuak lai lo;

DEUTERONOMI 16:18

“Bawipa nan Pathian nih an pekmi hna nan khua dihlak chungah, nan phun ning cio ah, biaceihtu hna le bawi hna kha nan chiah hna lai i mi kha dinnak biaceihnak in bia an ceih hna lai.

EZEKIEL 46:7

Cun rawl thawinak caah khan cawtum he pek chih awkah ephah pakhat, tuukawng he pek chih awkah ephah pakhat, tuu he pek chih awkah a pek khawh zat paoh an si lai i ephah pakhat caah chiti hin khat lengmang a chap lai.

1 CHANRELNAK 29:14

“Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko.