DEUTERONOMI 16:16 - Lai (Hakha) Common Language Bible 2006

¹⁶ “Kum khat ah nan lak i pa vialte nih Bawipa hmaiah a thim laimi hmun ah voi thum an chuak lai: thilnu telh lo changreu puai le zarh hna puai le deu puai ah an si lai. Bawipa hmaiah kutro in an chuak lai lo;

DEUTERONOMI 16:16 Խաչաձեւ Հղումներ

SALM 96:8

A min he aa tlakmi sunparnak kha Bawipa cu pe u, raithawinak kha rak i put u law a biakinn chungah ra lut u.

HAGGAI 1:9

Nan kawlmi cu a tampi, sihmanhsehlaw nan hmuhmi cu a tlawm. Nan rawl ṭuanmi cu inn i nan hun tlunpi ah khan kei nih lolak in ka rak chem hna. Zeicahdah hi bantukin a si? tiah Bawipa nih a ti. Hi ti a si cu, nannih vial nih i dornak inn nan i ngeih cio cang i kei ka inn vial rawk nelnul in a rilh ko caah hin a si.

MATTHAI 2:11

Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.

EXODUS 34:20

Asinain hrin hmasa bik laa paohpaoh cu tuu in nan tlanh hna lai; nan tlanh hna lo ahcun an hngawng nan khiah hna lai. Hrin hmasa bik fapa paohpaoh kha nan tlanh hna lai. Ka hmaiah ahohmanh pekchanhmi thil um loin nan chuak lai lo.

1 SIANGPAHRANG 9:25

Kum khat ah voi thum Solomon nih, Bawipa ca i a sermi biakṭheng cungah khan, khangh thawinak hna le daihnak thawinak hna kha a pekchanh tawn hna i Bawipa hmaiah zihmui kha a khangh tawn. Cuticun inn cu a lim.

ISAIAH 23:18

Chawleh chawhrawlnak in a hmuhmi tangka cu Bawipa sinah a pek lai. A khong hna lai lo i a thup hna lai lo, sihmanhsehlaw Bawipa a biami hna nih a tangka cu an herhmi rawl le thilpuan cawknak ah an hman lai.

MARKA 12:3

Dum a hlanhmi hna nih cun an rak tlaih i an rak velh i zeihmanh pe loin an kirter.

JOHAN 7:2

Judah mi Deu Puai kha a nai i

EXODUS 34:24

Nan hmai in miphun dang kha ka ṭhawl hna i nan ram kha ka kauhter hnuah cun, Bawipa nan Pathian ka hmai i chuah awkah kum khat ah voi thum lengmang nan rat tikah hin, hi caan ah hin nan ram cu ahohmanh nih tei an i zuam lai lo.

LEVITIKAS 23:34

“Israel mi hna sinah hi bangin va chim tuah. Hi thla sarihnak thla ni hleinga ni hin ni sarih tiang Bawipa ca deu puai a si lai.

DEUTERONOMI 16:15

Nan dihlak in nan i lawmh nakhnga, Bawipa nan Pathian nih nan chuahpimi thil vialte le nan kut rian vialte ah thluachuahnak an pek hna lai, Bawipa nih a thim laimi hmun ah Bawipa nan Pathian caah ni sarih chung puai nan ngei lai.

DEUTERONOMI 16:17

Bawipa nan Pathian nih thluachuahnak an pek hna ning cio ah mi kip nih nan ti khawh tawk cio ah nan pek lai.

DEUTERONOMI 31:11

Bawipa nan Pathian nih a thim laimi hmun ah Israel mi vialte nih a hmai i chuah awkah an rat tikah, hi phungbia cu Israel mi vialte hmaiah an theih ah nan rel lai.

1 SAMUEL 1:3

Cun hi pa cu kumfate in, Eli fapa pahnih Hofni le Phinehas, Bawipa tlangbawi an sinak Shiloh khua ah khan, ralkapbu Bawipa biak awk le raithawi awkah, amah khua in a hung kal tawn.

1 SAMUEL 6:3

Annih nih, “Israel Pathian i a kuang kha nan kirter a si ahcun, a lawng in kirter citcet hlah u; phungbuar thawinak he nan kirter hrimhrim lai. Cun nan dam lai i zeicahdah a kut cu nan sinin aa mer lo ti kha nan hngalh lai,” an ti.

2 CHANRELNAK 8:13

mah cucu Moses nih sabbath hna ca le thla thar hna ca le kum khat voi khat tuahmi puai — thilnu telh lo changreu puai, zarh hna puai le deu puai hna ca i nawl a chiah bangkhan, a ni cio rian nih a hlamning khan an pekchanh hna.

NEHEMIAH 8:15

an khua dihlak hna le Jerusalem khua ah khan thawng thanh awk an si i, ‘Tlang ah khin hung kal u law oliv nge hna le ramlak oliv nge hna le martal thing nge hna le tum nge hna le a hnah a ṭhami nge paoh kha deu saknak ding caah cun hung la hna u, cun deu cu cuticun nan sak hna lai, tiah aa ṭialning in sak awk an si lai,’ tiah ti awk an si kha aa ṭial.

SALM 84:7

An kal tikah an ṭhawng chin lengmang; Zion Tlang ah pathian hna Pathian cu an hmuh lai.

SALM 122:4

Cuka ah cun Bawipa sin i lawmhnak bia chim awkah, Israel miphun cu an kal tawn, cu lawmhnak bia chim cu Bawipa nih a fialmi hna a si.

EZRA 3:1

Thla sarihnak thla a hung chuah i Israel mi hna cu an khua ah an um tikah, mi cu Jerusalem ah mi pakhat bantukin an i pum.

SALM 84:8

Maw Lianngan Bik Bawipa Pathian, ka thlacamnak kha ka theihpiak tuah, Jakob Pathian, ka thlacamnak kha ka ngaihpiak tuah.

ISAIAH 33:20

Biaknak puai kan tuah tawnnak Zion khua khi zoh hmanh. Jerusalem khi zoh hmanh. Khika um cu zeitluk in dah hnangam a si lai. A cawl in a cawl lomi thlam, a khenhnak fung phawi bal lomi le a hri a cat bal lomi bantuk a si lai.

EZEKIEL 36:38

Cucaah a rawk cangmi an khua hna chungah cun minung a runrun in an khat lai i Bawipa ka si kha an hngalh lai, tiah a ti.