DEUTERONOMI 15:20 - Lai (Hakha) Common Language Bible 2006

²⁰ Bawipa nih a thim laimi hmun ah cun kumfate in Bawipa nan Pathian hmaiah nanmah le nan chungkhar nih cun nan ei lai.

DEUTERONOMI 15:20 Խաչաձեւ Հղումներ

DEUTERONOMI 14:23

Bawipa nan Pathian kha ṭih awk nan hngalh zungzal nakhnga, nan rawl chungin siseh, nan mitsur hang chungin siseh, nan chiti chungin siseh cheu hra cheu khat le nan saṭil run chung le nan tuurun chung i fater hna cu, Bawipa nan Pathian hmaiah, a min umnak ding i a thim hngami hmun ah cun nan ei lai.

DEUTERONOMI 12:17

Nan rawl, nan mitsur hang le nan chiti chungin cheu hra cheu khat siseh, nan saṭil run chung le nan tuurun chung i fater si hna seh, bia nan i kammi nan biakamnak pekchanhnak si hna seh, mah lungthote nan pekchanhnak si hna seh, nan pekchanhmi pekchanhnak si hna seh, nanmah nan khua chungah nan ei hna lai lo;

LEVITIKAS 7:15

Cun lawmhnak ca i daihnak thawinak pekchanhmi sa cu thawinak a tuah ni ah cun ei a si lai; a thaizing tiangin zeihmanh a taanter lai lo.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:14

sihmanhsehlaw nanmah phun chung pakhatkhat ah Bawipa nih a thim laimi hmun ah, khika ah nan khangh thawinak cu nan pekchanh hna lai i khika ah nawl kan pekmi vialte hna cu nan tuah lai.