DEUTERONOMI 15:14 - Lai (Hakha) Common Language Bible 2006

¹⁴ nan tuurun chungin siseh, nan phuhri chungin siseh, nan mitsur hang nennak khor in siseh, siang ngaiin nan pek lai; Bawipa nan Pathian nih thluachuah an pek hna ningin anih zong kha nan pek lai.

DEUTERONOMI 15:14 Խաչաձեւ Հղումներ

1 KORIN 16:2

Zarhpi ni fate in, nan hmuhmi a tlawm a tam ning cio khan phaisa nan rak thawh lai i nan rak khon lai, ka rat tikah phaisa khawlh herh ti lo dingin,

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

SALM 68:10

Cuka ah cun na mi nih innlo an khuar i na ṭhatnak thawngin sifakmi kha rawl ei awk na pek hna.

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

DEUTERONOMI 15:13

Cun nanmah sinin nan luatter tikah kutro in nan kalter lai lo;

DEUTERONOMI 15:15

Nannih nih Izipt ram i sal nan rak si le Bawipa nan Pathian nih an tlanh hna kha nan hngalh camcin lai; cucaah cun mah nawl hi nihin ah kan pek hna.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.