DEUTERONOMI 15:11 - Lai (Hakha) Common Language Bible 2006

¹¹ Zeitintiah sifakmi hna cu nan ram chungah an dong bal lai lo; cu caah hi nawlbia cu kan pek hna, ram chung i a ummi nan unau, sifak le retheimi hna cu nan kut kaupi in nan samhpiak hna lai.

DEUTERONOMI 15:11 Խաչաձեւ Հղումներ

MARKA 14:7

Sifak cu nan sinah pei an um zungzal ko lai cu, bawmh nan duh tik hna paoh ah nan bawmh khawh ko ṭung hna. Kei cu nan sinah ka um zungzal ṭung lai lo.

MATTHAI 26:11

Misifak cu zungzal in pei nan sinah an um ko lai cu, kei cu zungzal in nan sinah ka um ṭung lai lo.

JOHAN 12:8

Mi sifak cu nan sinah an um zungzal ko lai, kei cu nan sinah ka um zungzal lai lo,” tiah a ti.

DEUTERONOMI 15:8

nan kut cu a samhtu nan samhpiak lai i zeipaoh a si ah, a herhnak aa zatnak in nan cawih lai.

PHUNGTHLÛKBIA 22:2

Mirum le misifak hna cu an i dang lo zeicahtiah Bawipa sermi cio an si.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LAMKALTU 2:45

An thil le an ngeihmi kha an zuar hna i tangka an hmuhmi kha a dihlak in an herhning cio paoh in an i phaw.

MATTHAI 5:42

Mi nih thil an in hal hna tikah va pe hna u, an in cawi hna tikah va cawih hna u.

DEUTERONOMI 15:7

“Bawipa nan Pathian nih an pekmi hna nan ram chung i nan khua chungah nan lakah nan unau pakhatkhat mipam a um ahcun, cu nan unau mipampa cungah cun nan lung nan hahter lai lo i nan kut zong nan humkanh lai lo,

PHUNGTHLÛKBIA 31:20

Sifak retheimi sinah nun a siang.

EZEKIEL 18:7

Ahohmanh a hrem bal hna lo i leibatu nih biakamnak ca i thil an pekmi kha a khirh zungzal hna, zeitikhmanh ah mi a ramh bal lo. Rawl a ṭammi kha rawl a pek hna i hnipuan a ngei lomi kha hnipuan a pek hna.

EXODUS 23:11

Sihmanhsehlaw kum sarihnak kum ah cun nan dinhter hna lai i an chungin a chuakmi kha nan la hna lai lo. Cuka i a vuimi cu nan lak i a ummi nan misifak nih i lak hna seh law an nganhmi cu saram nih ei hna seh. Nan mitsur dum le oliv dum zong cu bantuk ṭhiamṭhiam in nan tuah lai.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.