DEUTERONOMI 14:3 - Lai (Hakha) Common Language Bible 2006

³ “Fihnung a simi thil zeihmanh nan ei lai lo.

DEUTERONOMI 14:3 Խաչաձեւ Հղումներ

EZEKIEL 4:14

Sihmanhsehlaw kei nih kaa thawh i, “Maw Bawipa Pathian, zeitikhmanh ah kaa thurhhnawmh bal lo, amah tein a thimi maw, sa nih a sehmi maw, zeitikhmanh ah ka ei bal lo; sa thurhnawm ka kaa chungah a lut bal lo,” tiah ka ti.

ROM 14:14

Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko.

LEVITIKAS 20:25

Cu caah nannih nih saram thiang le thianglo le va thiang le thianglo thleidannak nan ser lai; nannih nih nanmah lila cu saram in siseh, va in siseh, vawlei i a vakmi thil zeipaoh nannih nih a thianglo ah rel awk i ka thleidanmi hna in, fihnung ah nan i ser lai lo.

LEVITIKAS 11:43

A vah in a vakmi thil zeihmanh khan nannih nih fih nan i nunter lai lo; cun cu hna cun a thur zong nan i thurter lai lo, thianglo nan si sual hnga.

TITAS 1:15

A thiangmi caah cun zeizong vialte hi a thiang dih ko, sihmanhsehlaw a hnawmtammi hna le a zum duh lomi hna caah cun, an lungthin le an chiaṭha thleidannak kha a thur caah, zeihmanh a thiangmi a um lo.

1 KORIN 10:28

Sihmanhsehlaw pakhatkhat nih, “Hi rawl hi siasal dohdanghnak rawl a si,” tiah an chimh ahcun, an chimtupa ruangah le chiaṭha thleidannak ruangah, cu rawl cu va ei hlah.

ISAIAH 65:4

Zan ah thi tlawn ah lungkua kip le thlan kip ah khan an kal. Hi hna nih hin voksa kha an ei i lawkih raithawinak ah an hmanmi sa tihang kha an din.

GENESIS 7:2

Saram thiang pawl kha cu tuah sarih cio in i luhpi hna (saram thiang timi cu ei khawhmi pawl tinak a si), asinain a thianglo pawl kha cu a nu pakhat le a pa pakhat lawngin i luhpi hna.

LEVITIKAS 11:2

“Israel mi hna sinah va chim tuah u, vawlei cung i a ummi saram vialte lakah mah hna hi a nungmi thil nan ei awk cu an si lai.