DEUTERONOMI 14:1 - Lai (Hakha) Common Language Bible 2006

¹ “Nannih cu Bawipa nan Pathian i fapa nan si; mithi caah nan i at lai lo i nan mittlang hmul zong nan i met lai lo.

DEUTERONOMI 14:1 Խաչաձեւ Հղումներ

GALATI 3:26

Khrih Jesuh pehtlaihnak thawngin Pathian fa nan dihlak in nan si cu zumhnak thawngin a si.

ROM 9:8

Cu a sullam cu, minung sining phung sawhsawh in hrinmi cu Pathian fa an si lem lo, Pathian biakamning in hrinmi lawng tefa taktak i ruahmi cu an si, tinak a si.

LEVITIKAS 21:5

An lukheng an i kolh lai lo, an khahmul par zong an riam lai lo, an taksa zong zeihmanh an at lai lo.

ROM 9:26

‘Nannih cu ka mi nan si lo,’ tiah an rak tinak hna hmun thengte ah khan Annih cu a nungmi Pathian fa, ti an si lai.”

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

ROM 8:16

Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh.

JOHAN 1:12

Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

JEREMIAH 41:5

Shekhem le Shiloh le Samaria in pa sawm riat an ra. An khahmul kha an i meh i an puan kha an thleh hna i an pum cu an i at, annih nih Bawipa biakinn i pekchanh awkah changvut thawinak le zihmui kha an rak i put.

JEREMIAH 16:6

Hi ram ah hin mingan he mihme he an thi lai, sihmanhsehlaw vui an si lai lo i ahohmanh nih a ṭah zong an ṭah hna lai lo, anmah ruangah ahohmanh a ah zong an i at lai lo, an sam zong an i kawngh lai lo.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

JOHAN 11:52

anmah Judah mi ca lawngah si loin Pathian fale aa ṭhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

GENESIS 6:4

Cu caan le cu hnu zongah cun, vawlei cungah hin Nefilim mingan pipi kha an rak um i annih cu minung fanu hna le pathian fapa hna tefa kha an si. Annih cu hlanliomi mi ralṭha le mi minthang kha an si.

GENESIS 6:2

Cu fanu hna an i dawh cu pathian fapa hna nih khan an hmuh hna i cucaah an duhmi kha an i thim hna i an ṭhit hna.

1JOHAN 5:2

Pathian fa kan dawt hna ti kan hngalhnak cu hihi a si: Pathian kha dawt i a nawl zulh kha a si.

1THESALON 4:13

U le nau hna, ruahchannak a ngei lomi hna an ngaih a chiat bantukin nan ngaih a chiat nakhnga lo, nannih cu a thi ciami hna kong i biatak kha hngalhter kan in duh hna.

JEREMIAH 47:5

Gaza cu kawng lakin meh a si cang, Ashkelon cu a rawk cang. Filistin mi a tangmi hna cu zei can dah an ṭah lai?

ROM 9:4

Annih cu Pathian thimmi an si: a fa ah a ser hna i sunparnak kha a hrawmh hna. Anmah sinah a biakamnak kha a tuah hna i Nawlbia kha a pek hna, biaknak taktak cu anmah nih khan an ngeih, Pathian biakamnak kha an hmuh,

DEUTERONOMI 13:18

a thinhunnak ṭihnung khan aa mer lai i zaangfahnak kha an pek hna lai i nan pupa hna sinah chiat a ser bang khan a vel kha a karhter lai.

1 SIANGPAHRANG 18:28

Cun annih nih fak piin an au i an phung bantukin fei le nam in anmah le anmah cu an thi pawt thluahmah in an i chun an i at.

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?

ISAIAH 63:16

Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.