DEUTERONOMI 13:15 - Lai (Hakha) Common Language Bible 2006

¹⁵ cu khuami hna cu vainam in nan thah hrimhrim hna lai, a khua le a chungah a ummi vialte le a saṭil cu vainam in nan hrawh cikcek hna lai.

DEUTERONOMI 13:15 Խաչաձեւ Հղումներ

DEUTERONOMI 7:2

Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.

LEVITIKAS 27:28

“Sihmanhsehlaw ulh-amhmi thil, Bawipa sinah mi pakhatkhat nih a pekchanhmi paohpaoh cu, a ngeihmi chungin zeihmanh siseh, minung a si ah, saram a si ah, ro i a comi a lo a si ah, zuarh awk zong a si lai lo i tlanh awk zong a si lai lo; ulh-amhmi thil paohpaoh cu Bawipa caah a thiang bik a si.

EXODUS 22:20

“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.

BIAPHUAN 17:16

Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

BIACEIHTU 20:48

Cun Israel mi nih Benjamin mi cu an kirhnawh ṭhan hna i vainam in an sam hna. Mi siseh, saram siseh, an hmuhmi paohpaoh an sam dih hna. Cun an hmuhmi khua vialte zong mei in an duah hna.

JOSHUA 6:24

Cun khua cu mei in an khangh, a chung i a ummi thil vialte he; sui le ngun, thir le dar umkheng belte Bawipa inn chawva sinah an chiah hna.

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

DEUTERONOMI 2:34

Khi caan ah a khua vialte cu kan lak dih i khua vialte cu kan hrawh cikcek hna, pa si hna seh, nu si hna seh, ngakchia si hna seh; pakhat hmanh kan taanter hna lo;

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

DEUTERONOMI 13:14

nan dothlat lai i nan kawl lai i fel tein nan hal lai; cun zohhmanh, cu bantuk thil fihnung cu nan lakah tuah a si kha a dik le a si hrimhrimmi a si ahcun,

DEUTERONOMI 17:4

an in chimh hna i nan theih ahcun, fel tein nan hlat lai; cu bantuk thil fihnung cu Israel mi lakah tuah a si taktak le a fian ahcun,

BIACEIHTU 20:3

(Benjamin mi nih Israel mi hna cu Mizpah ah an hung kal ti kha an theih.) Cun Israel mi nih, “Zeitindah hi ṭhat lonak hi a chuah ning a si, kan chim tuah,” tiah an ti.

EZRA 10:16

Cu bang cun salchuak pawl nih cun an tuah. Tlangbawi Ezra nih khan mi cu a thim hna, annih cu pale innchungkhar ning cio ah lu a simi an si i an min cio ah thiah an si. Thla hranak thla, a ni khat ni ah cu kong cu ruah awkah an i pum;