DEUTERONOMI 12:7 - Lai (Hakha) Common Language Bible 2006

⁷ cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

DEUTERONOMI 12:7 Խաչաձեւ Հղումներ

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 14:26

nan duhmi paoh ah nan i hloh lai, cawtum hna maw, tuu hna maw, mitsur hang maw, zu maw, nan hawtmi paoh ah nan hman lai; cun cuka ah cun Bawipa nan Pathian hmaiah nan ei hna lai i nan i lawm lai, nanmah he nan chungkhar hna he.

LEVITIKAS 23:40

Cun ni khatnak ni ah aa dawhmi thingkung theitlai hna le ungkung nge hna le, a hnah a buk liailuaimi thingkung nge hna le, tivakam inhliam hna cu nan lak hna lai i Bawipa nan Pathian hmaiah ni sarih chung nan i lawm lai.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

DEUTERONOMI 27:7

daihnak thawinak cu nan pekchanh lai i khika ah nan ei lai; cun Bawipa nan Pathian hmaiah nan i lawm lai.

DEUTERONOMI 15:20

Bawipa nih a thim laimi hmun ah cun kumfate in Bawipa nan Pathian hmaiah nanmah le nan chungkhar nih cun nan ei lai.

DEUTERONOMI 14:23

Bawipa nan Pathian kha ṭih awk nan hngalh zungzal nakhnga, nan rawl chungin siseh, nan mitsur hang chungin siseh, nan chiti chungin siseh cheu hra cheu khat le nan saṭil run chung le nan tuurun chung i fater hna cu, Bawipa nan Pathian hmaiah, a min umnak ding i a thim hngami hmun ah cun nan ei lai.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

MALAKHI 2:13

Mah hihi thil dang pakhat nan tuah rihmi cu a si: nan ṭap nan ai i Bawipa biakṭheng cu nan mitthli in nan ciah, sihmanhsehlaw nan pekchanhmi thil cu zoh a duh ṭhiamṭhiam hna lo i nan sinin nan laksawng cu an cohlang ṭhiamṭhiam hna lo.

ISAIAH 23:18

Chawleh chawhrawlnak in a hmuhmi tangka cu Bawipa sinah a pek lai. A khong hna lai lo i a thup hna lai lo, sihmanhsehlaw Bawipa a biami hna nih a tangka cu an herhmi rawl le thilpuan cawknak ah an hman lai.

DEUTERONOMI 26:11

Bawipa nan Pathian nih nanmah le nan innchungkhar hna cungah a tluntermi ṭhatnak vialte caah, nanmah le Levi mi hna le nan lakah a ummi mipem hna cu nan i lawmh awk a si lai.

DEUTERONOMI 12:8

Mi kip nih mah le hmuhning cio ah a ṭha ti i nihin i hika i kan tuah bang hin nan tuah lai lo,

DEUTERONOMI 28:47

“Zeizong vialte nan ngeih tengtung zong i Bawipa nan Pathian cu lunglawmhnak le thanuamhnak he a rian nan ṭuan lo caah,

NEHEMIAH 8:9

Cun ram uktu bawi a simi Nehemiah le tlangbawi le cazi a simi Ezra le mi zapi a cawnpiaktu hna Levi mi hna nih khan mi vialte cu an thawh hna i, “Nihin hi Bawipa, nan Pathian ca i ni thiang a si; nan ngaihchia hlah u; a ṭah zong ṭap hlah u,” an ti hna.

PHUNGCHIMTU 3:12

Cucaah minung nih a ṭha bik a tuah khawhmi cu a nun rih lioah i lawmh le a ṭha bik a timi kha a tuah khawh chungin tuah kha a si ko.

PHUNGCHIMTU 3:13

Kan dihlak in ei u sih law ding u sih law kan ṭuan man kha i nuamhpi u sih. Cucu Pathian laksawng a si ko.

PHUNGCHIMTU 5:18

Hihi ka va hmuhmi thil a si. Mi nih hin a ṭha bik a tuah khawhmi cu ei i din i Pathian nih nunnak tawite a pekmi chung i a rianṭuanmi chungin a hmuhmi kha i nuamhpi hi a si ko; cucu minung kan covo cu a si ko.

JOEL 1:16

Kan mit hmuh hrimhrim ah rawl kung cu an rawk dih, Kan Pathian inn ah rawl a um ti lo i a chung i thanuamnak le lawmhnak zong kha an lo.

JOEL 2:26

Atu cu ei awk tampi nan ngei cang lai i nan khim cang lai. Nannih nan caah khuaruahhar thil a tuahtu Bawipa nan Pathian kha nan thangṭhat lai. Ka mi cu zawmhtaih nan si ti lai lo.

1 CHANRELNAK 29:22

cun cu ni ah cun Bawipa hmaiah lunglawm ngaiin an ei i an ding. Cun David fapa Solomon cu siangpahrang ah a voi hnihnak an ser ṭhan i amah cu Bawipa ca i bawi ah chiti an thuh i Zadok cu tlangbawi caah chiti an thuh.

ISAIAH 62:9

Thlaici a tuh i rawl a ṭuantu nanmah nih rawl cu nan ei lai i Bawipa cu nan thangṭhat lai. Mitsur kha a zohkhenh i a pumhkhawmtu nih, ka biakinn chungah mitsur hang cu nan din lai,” a ti.

EZEKIEL 44:3

Khar a si peng ko lai. Sihmanhsehlaw uktu bawi belte cu hika i bawi a si caah, Bawipa hmai i rawl ei awkah khika ah a ṭhu lai; kutka innleng cun a lut lai i a chuak lengmang lai,” a ti.