DEUTERONOMI 12:25 - Lai (Hakha) Common Language Bible 2006

²⁵ Nan ei lai lo; zeitintiah Bawipa mithmuh i a dikmi nan tuah tikah, nanmah le nan hnu i nan tefa hna caah ṭhatnak a si lai.

DEUTERONOMI 12:25 Խաչաձեւ Հղումներ

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

1 SIANGPAHRANG 11:38

Cun nangmah nih nawl kan pekmi vialte kha na ngaih i ka lam kha na zulh hna i ka sal David nih a rak tuah bantukin ka nawlbia le ka phungbia zulhnak thawngin ka mit na tlin ahcun, na sinah ka um lai i David ca i ka sak bantuk khan, a fekmi innchungkhar kan sakpiak lai i Israel cu nangmah kan pek lai.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

DEUTERONOMI 13:18

a thinhunnak ṭihnung khan aa mer lai i zaangfahnak kha an pek hna lai i nan pupa hna sinah chiat a ser bang khan a vel kha a karhter lai.

DEUTERONOMI 6:18

Bawipa nih nan pupa hna sinah pek awkin chiat a ser i nan hmaiah nan ral vialte a dawi dih hnanak ram ṭha cu, Bawipa nih bia a kam bangin, nan luh i nan co nakhnga le nanmah caah aa remrel nakhnga, Bawipa hmai i a dik le a ṭha cu tuah tuah u.

EZEKIEL 33:25

Cucaah annih cu chim hna law, hihi Bawipa Pathian bia an si, tiah ti hna: Sa cu a thi he nan ei chih, siasal kha nan mit nan hlerhnawh hna i thisen kha nan chuah; cun nannih nih ram kha co awkah nan i ruahchih rih!

PHUNGCHIMTU 2:26

Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.

SALM 112:2

Cu bantuk mi hna fale cu ram chungah hin miṭhawng an si lai, miṭha mi hna fale cu thluachuah hmumi an si lai.

DEUTERONOMI 12:28

Bawipa nan Pathian mithmuh ah a dik le a ṭha kha nan tuah tikah, nanmah caah a ṭhat nakhnga, hi nawl kan pekmi hna bia vialte hi ṭha tein ruat tuah u.

DEUTERONOMI 5:16

“ ‘Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

DEUTERONOMI 12:24

Nan ei lai lo; vawlei cungah ti bantukin nan thlet lai.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.

DEUTERONOMI 21:9

Cu bantukin Bawipa hmaiah a dikmi kha nan tuah tikah sualnak a tuah lo thisen chuah mawhnak cu nan lakin nan thianh lai.