DEUTERONOMI 12:18 - Lai (Hakha) Common Language Bible 2006

¹⁸ sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 12:18 Խաչաձեւ Հղումներ

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

DEUTERONOMI 14:23

Bawipa nan Pathian kha ṭih awk nan hngalh zungzal nakhnga, nan rawl chungin siseh, nan mitsur hang chungin siseh, nan chiti chungin siseh cheu hra cheu khat le nan saṭil run chung le nan tuurun chung i fater hna cu, Bawipa nan Pathian hmaiah, a min umnak ding i a thim hngami hmun ah cun nan ei lai.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

1 KORIN 10:31

A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangṭhatnak caah siter ko u.

LAMKALTU 16:34

Paul le Silas cu a inn ah a hun kalpi hna i rawl a pek hna. Amah nih Pathian kha a zumh caah amah le a innchungkhar cu lunglawmhnak in an khat.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

ISAIAH 12:3

A ti a halmi cu tikik nih lawmhnak a pek hna bangin Pathian mi cu Pathian nih a khamh hna tikah an i lawm.”

PHUNGTHLÛKBIA 3:17

A lam cu lam nuam an si i rumnak phakpitu lam an si.

SALM 68:3

Sihmanhsehlaw miding mi cu an i lawm lai i a hmaiah khan an tha a nuam lai; lunglawm ngaingai in an um lai.

SALM 32:11

Bawipa nih a tuahmi thil ruangah, miding vialte hna, i lawm u law thanuam in um tuah u. Amah a nawl a zulmi vialte hna, lunglawm in au tuah u!

DEUTERONOMI 15:20

Bawipa nih a thim laimi hmun ah cun kumfate in Bawipa nan Pathian hmaiah nanmah le nan chungkhar nih cun nan ei lai.

DEUTERONOMI 12:19

Nan ram chungah nan um chung paoh cu Levi mi kha hlawt lo awkah i ralring tuah u.

1 SAMUEL 1:4

Elkanah nih rai a thawi ni ah khan, a nupi Peninnah le a fapa hna le a fanu hna cu an dihlak in covo kha a pek cio hna;

PHUNGCHIMTU 3:12

Cucaah minung nih a ṭha bik a tuah khawhmi cu a nun rih lioah i lawmh le a ṭha bik a timi kha a tuah khawh chungin tuah kha a si ko.

PHUNGCHIMTU 5:18

Hihi ka va hmuhmi thil a si. Mi nih hin a ṭha bik a tuah khawhmi cu ei i din i Pathian nih nunnak tawite a pekmi chung i a rianṭuanmi chungin a hmuhmi kha i nuamhpi hi a si ko; cucu minung kan covo cu a si ko.

DEUTERONOMI 12:14

sihmanhsehlaw nanmah phun chung pakhatkhat ah Bawipa nih a thim laimi hmun ah, khika ah nan khangh thawinak cu nan pekchanh hna lai i khika ah nawl kan pekmi vialte hna cu nan tuah lai.