DEUTERONOMI 12:16 - Lai (Hakha) Common Language Bible 2006

¹⁶ A thi bel kha nan ei lai lo; vawlei cungah ti bangin nan thlet lai.

DEUTERONOMI 12:16 Խաչաձեւ Հղումներ

GENESIS 9:4

asinain sa kha a chung i thi a um lioah cun nan ei lai lo, zeicahtiah nunnak cu thi cu a si.

DEUTERONOMI 15:23

A thi bel nan ei lai lo; vawlei ah ti bantukin nan thlet lai.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

1TIMOTE 4:4

Pathian nih a sermi thil cu zei thil paoh an ṭha dih; zeihmanh hlawt awk an si lo, lunglawmh thlacamnak he cohlan awk an si ko.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

LEVITIKAS 19:26

“Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

DEUTERONOMI 15:22

Nanmah le nan khua chung cio ah nan ei lai; a thianglo nih siseh, a thiang nih siseh, sakhi le sazuk nan ei bangin, aa khat in an ei lai.

1 SAMUEL 14:32

mi hna nih cun hranchaw kha an zuanhnawh hna i tuu hna le cawtum hna le cawfa hna kha an lak hna i vawlei ah an thah hna i mi nih cun an thisen he an ei chih hna.

1 SAMUEL 14:33

Cun Saul kha an chimh i, “Zohhmanh, mi nih thisen an einak thawng in Bawipa sinah an sual cang,” tiah an ti. Cun anih nih, “Nannih nih hlennak in nan tuah cang; hika ah hin keimah sinah lungpi pakhat in rak hril tuah u,” tiah a ti.

EZEKIEL 24:7

Khuapi chungah thisen an chuahmi cu cu khua laifang ah cun a um ko rih i Cu thisen cu lung cungah khan an thlet, Leidip tal nih khuh seh tiin vawlei hmanh ah khan an thle lo.

EZEKIEL 33:25

Cucaah annih cu chim hna law, hihi Bawipa Pathian bia an si, tiah ti hna: Sa cu a thi he nan ei chih, siasal kha nan mit nan hlerhnawh hna i thisen kha nan chuah; cun nannih nih ram kha co awkah nan i ruahchih rih!

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”