DEUTERONOMI 12:12 - Lai (Hakha) Common Language Bible 2006

¹² Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:12 Խաչաձեւ Հղումներ

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

DEUTERONOMI 26:12

“Cun kum thumnak kum, cheu hra cheu khat pek kum a simi kum i nan hmuhmi thil vialte chungin cheu hra cheu khat nan pek dih i, Levi mi hna le mipem hna le pangeilo hna le nuhmei hna nih nan khua chungah an ei i an khim nakhnga, annih kha nan pek hna tikah,

DEUTERONOMI 10:9

Cucaah Levi cu a unau hna lakah covo siseh ro siseh a ngei lo; Bawipa nan Pathian nih amah sinah a chim bang khan, Bawipa cu a ro a si.)

DEUTERONOMI 14:29

cun, Bawipa nan Pathian nih nan kut rian nan tuahmi vialte ah thluachuahnak an pek hna nakhnga, nan khua chungah a ummi Levi mi hna, annih cu nannih sinah covo le ro an ngeih lo caah, le mipem le pangeilo le nuhmei hna nih cun an rat i an ei i an khim nakhnga nan chiah hna lai.

DEUTERONOMI 12:19

Nan ram chungah nan um chung paoh cu Levi mi kha hlawt lo awkah i ralring tuah u.

SALM 147:1

Bawipa cu thangṭhat u! Kan Pathian cu hla in thangṭhat hi a ṭha; amah thangṭhat hi a nuam i ahmaan.

2 CHANRELNAK 29:36

Cun Pathian nih mi zapi ca i a tuahmi caah khan Hezekiah le mi vialte cu an i lawm; zeicahtiah cu thil cu duak tiah a hung ummi a si ko.

1 SIANGPAHRANG 8:66

A ni riat ni ah cun mi cu a kalter hna; annih nih siangpahrang kha thluachuah an pek i Bawipa nih a sal David le a mi Israel mi cung i ṭhatnak a langhtermi ruangah lunglawm le thanuam in an inn cio ah an tlung.

JOSHUA 14:4

Josef tefa hna cu phun hnih an si, Manasseh le Efraim; ram chungah Levi mi hna cu vo an pe hna lo, sihmanhsehlaw umnak khua hna le cu pawngkam i caw le saṭil dang tlonnak ram lawnglawng cu pek an si.

JOSHUA 13:33

Sihmanhsehlaw Levi phun cu Moses nih ro a pe hna lo; an sinah a rak chim bang khan Bawipa Israel Pathian cu an ro cu a si.

NAMBAR 18:20

Cun Bawipa nih Aaron cu, “An ram chungah ro na ngei lai lo, annih lakah covo zong na ngei lai lo, keimah cu Israel mi hna lakah na vo le na ro ka si.

JOSHUA 13:14

Levi phun lawng kha Moses nih ro a pek lomi cu a si; Bawipa Israel Pathian sinah mei in pekchanhmi thil cu, a chimh cang bang khan annih ro cu a si.

NAMBAR 18:26

“Cu hleiah, hi bangin Levi mi cu na chimh hna lai, ‘Israel mi hna sinin cheu hra cheu khat nan ro caah kan pekmi hna cu nan lak tikah, cu chung cun Bawipa sinah pekchanhnak nan pek lai, cheu hra cheu khat cungin cheu hra cheu khat kha.

DEUTERONOMI 18:6

“Cun Levi mi pakhatkhat cu Israel ram chung i a umnak nan khua pakhatkhat in a chuah i Bawipa nih a thim laimi hmun ah a kal ahcun — a duh tik paoh ah a kal kho lai —

DEUTERONOMI 16:14

nanmah le nan fapa le nan fanu le nan salpa le nan salnu le nan khua chung i a ummi Levi mi, mipem, pangeilo le nuhmei nih nan puai ah cun nan i lawm lai.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

JOHAN 13:8

Peter nih cun, “Ka ke cu na ka ṭawl bal hnga lo,” tiah a ti. Jesuh nih cun, “Na ke kan ṭawl lo ahcun, a ka zultu na si ti hnga lo pei,” tiah a leh.

LAMKALTU 8:21

Pathian mithmuh ah na lung kha ahmaan lo caah kan rian ṭuannak ah hin zeihmanh naa tel venak a um lo.

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 26:11

Bawipa nan Pathian nih nanmah le nan innchungkhar hna cungah a tluntermi ṭhatnak vialte caah, nanmah le Levi mi hna le nan lakah a ummi mipem hna cu nan i lawmh awk a si lai.

NEHEMIAH 8:9

Cun ram uktu bawi a simi Nehemiah le tlangbawi le cazi a simi Ezra le mi zapi a cawnpiaktu hna Levi mi hna nih khan mi vialte cu an thawh hna i, “Nihin hi Bawipa, nan Pathian ca i ni thiang a si; nan ngaihchia hlah u; a ṭah zong ṭap hlah u,” an ti hna.

LEVITIKAS 23:40

Cun ni khatnak ni ah aa dawhmi thingkung theitlai hna le ungkung nge hna le, a hnah a buk liailuaimi thingkung nge hna le, tivakam inhliam hna cu nan lak hna lai i Bawipa nan Pathian hmaiah ni sarih chung nan i lawm lai.

DEUTERONOMI 27:7

daihnak thawinak cu nan pekchanh lai i khika ah nan ei lai; cun Bawipa nan Pathian hmaiah nan i lawm lai.