DEUTERONOMI 12:11 - Lai (Hakha) Common Language Bible 2006

¹¹ khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:11 Խաչաձեւ Հղումներ

DEUTERONOMI 15:20

Bawipa nih a thim laimi hmun ah cun kumfate in Bawipa nan Pathian hmaiah nanmah le nan chungkhar nih cun nan ei lai.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

DEUTERONOMI 18:6

“Cun Levi mi pakhatkhat cu Israel ram chung i a umnak nan khua pakhatkhat in a chuah i Bawipa nih a thim laimi hmun ah a kal ahcun — a duh tik paoh ah a kal kho lai —

DEUTERONOMI 17:8

“Mi i thahnak kong bia siseh, thilri kong bia siseh, i vuak i dennak kong bia siseh, nan khua chungah nan ca i a har tukmi tazacuainak zeipaoh a chuah ahcun, nan tho lai i Bawipa nan Pathian nih a thim laimi hmun ah cun nan kal lai i,

JEREMIAH 7:12

Ka min ka rak umternak hmasa, Shiloh khua i ka hmun thiang ah khan va kal u law, ka mi Israel mi hna ṭhat lo ruangah khakha zeitindah ka tuah ti kha va zoh tuah u.

SALM 78:68

Judah phun tu kha a thim i a duh ngaingaimi Zion Tlang tu kha a thim.

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

1 SIANGPAHRANG 8:13

A sunglawimi inn, nangmah kan sakpiak cang, Zungzal in na umnak ding caah,” tiah a ti.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

DEUTERONOMI 31:11

Bawipa nan Pathian nih a thim laimi hmun ah Israel mi vialte nih a hmai i chuah awkah an rat tikah, hi phungbia cu Israel mi vialte hmaiah an theih ah nan rel lai.

DEUTERONOMI 26:2

Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai.

DEUTERONOMI 23:16

nan lakah, nan khua pakhatkhat chung i a duh bikmi hmun aa thimmi ahcun, nanmah sinah a um lai; nan hrem lai lo.

DEUTERONOMI 14:23

Bawipa nan Pathian kha ṭih awk nan hngalh zungzal nakhnga, nan rawl chungin siseh, nan mitsur hang chungin siseh, nan chiti chungin siseh cheu hra cheu khat le nan saṭil run chung le nan tuurun chung i fater hna cu, Bawipa nan Pathian hmaiah, a min umnak ding i a thim hngami hmun ah cun nan ei lai.

DEUTERONOMI 12:26

Sihmanhsehlaw nan pekchanh awk a simi nan thil thianghlim hna le nan biakam pekchanhnak hna cu nan lak hna lai i Bawipa nih a thim laimi hmun ah cun nan kal lai,

DEUTERONOMI 12:21

Bawipa nan Pathian nih a min chiahnak ah a thim laimi hmun cu nanmah sinin aa hlat tuk ahcun, khi tikah Bawipa nih an pekmi nan saṭil run chung i siseh, nan tuurun chung i siseh, nawl kan pek hna bang khan nan thah hna lai i nanmah nan khua chungah nan duh zat in nan ei hna lai.

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 12:14

sihmanhsehlaw nanmah phun chung pakhatkhat ah Bawipa nih a thim laimi hmun ah, khika ah nan khangh thawinak cu nan pekchanh hna lai i khika ah nawl kan pekmi vialte hna cu nan tuah lai.

EXODUS 25:8

Biakinn pakhat an ka serpiak lai i cuticun an lakah ka um lai.

EXODUS 29:45

Israel mi hna lakah khan khua ka sa lai i keimah cu an Pathian ka si lai.

DEUTERONOMI 12:13

Nan hmuhmi hmun men paoh ah nan khangh thawinak pekchanh lo awkah i ralring tuah u;

JOSHUA 22:23

hi biakṭheng hi kan ser i Bawipa sinin a kan pialter a si ahcun, nihin ah hin kan zuah hrimhrim hlah u; cun a cung i khangh thawinak thawinak caah caah siseh, chang thawinak thawinak caah siseh, daihnak thawinak thawinak caah siseh, kan tuah a si ahcun Bawipa hrimhrim nih kan cungah phuhlamnak cu tuah seh.

JOSHUA 22:27

kannih le nannih karlak ah, kan hnu i kan tefa hna karlak ah biahngaltu a si i Bawipa rian cu kannih nih amah hmaika ah kan khangh thawinak le raithawinak le daihnak thawinak in kan rak ṭuan ve tinak caah biakṭheng pakhat ser u sih; hmailei ah nan tefa hna nih kan tefa hna cu, “Bawipa chungah covo zeihmanh nan ngei lo,” an ti sual hna nakhnga lo,’ tiah kan ti.

1 SAMUEL 1:21

Cun Elkanah le a chungle vialte cu Bawipa sin i kum fate thawinak pekchanh awk le a biahrennak pek awkah an hung kal.

1 SIANGPAHRANG 8:16

sihmanhsehlaw David cu ka mi hna cung i um awkah ka thim,’ tiin a kaa in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

2 CHANRELNAK 6:20

zeitintiah nangmah nih na min chiahnak caah bia na kammi hmun, hi inn leiah hin chun zan in na mit na chiah nakhnga le hi inn lei hoih in na salpa nih thla ka cammi hi na theih nakhnga.

2 CHANRELNAK 7:12

Cun Bawipa cu Solomon sinah zan ah a lang i amah cu a thawh i, “Na thlacamnak cu ka theih cang i hi hmun cu raithawinak inn caah kaa thim cang.

EZRA 6:12

Khika ah a min a umtertu Pathian nih hi thil hi thlen awkah le Jerusalem i a ummi Pathian inn kha hrawh awkah a kut a chuahtu cu ahohmanh, siangpahrang a si ah, miphun an si ah, hrawh dih si hna seh. Keimah Darius nih nawlbia hi ka chuah, fel tein tuah si seh,” a ti.

SALM 100:2

Bawipa cu lunglawm tein bia u law lunglawmhnak hla he a hmaiah cun ra chuak u.

LEVITIKAS 17:4

Bawipa puan biakinn hmaiah Bawipa sin i laksawng caah tonnak thlam innka ah a rak put lo ahcun, cu pa cungah cun thisen chuah mawhnak khinh a si lai; thisen a chuah hrimhrim ko; cu pa cu a mi hna sinin hlonh a si lai.

DEUTERONOMI 15:19

“Nan cawrun chung le nan tuurun chung i fater a pa vialte hna cu Bawipa nan Pathian sinah nan pekchanh hna lai; nan cawrun chung i fater a pa hna cu rian ṭuannak ah nan hmang hna lai lo, nan tuurun chung i fater hna zong an hmul nan met hna lai lo.

JOSHUA 9:27

Sihmanhsehlaw Joshua nih khi ni ah cun aa pummi ca le a thim laimi hmun i Bawipa biakṭheng caah annih cu nihin ni tiangin thing hlamtu le ti thantu ah a ser hna.

JOSHUA 22:11

Cun Israel mi hna nih, “Zohhmanh, Reuben mi hna le Gad mi hna le Manasseh phun cheu nih Kanaan ram ramri ah Jordan tivakam hrawng ram chung Israel mi hna ta a simi leiphek ah, biakṭheng pakhat an ser,” tiah mi nih an chim kha an theih.

JOSHUA 22:16

“Bawipa mibu nih an ning piin, ‘Israel Pathian cungah nan tuahmi rawinak hi zeidah a si, nihin ah Bawipa kha doh awkah Bawipa zulhnak khan nan pial i biakṭheng pakhat nan i ser hi a sullam zeidah a si?

JOSHUA 22:29

Bawipa kan Pathian biakṭheng a puan biakinn hmai i a dirmi hlei in, khangh thawinak le chang thawinak le raithawinak caah biakṭheng dang sernak thawng in Bawipa lam in nihin ah pial le Bawipa doh cu kan ruat naisai lo!” tiah an ti.

1 SIANGPAHRANG 12:27

hi mi hna nih hin Jerusalem khua chung i Bawipa inn ah raithawinak pekchanh awkah an hung kal ahcun, khi tikah hi mi hna lung hi an bawipa, Judah siangpahrang Rehoboam sinah khan a kir lai i kei cu an ka thah lai i Judah siangpahrang Rehoboam sinah khan an kir ṭhan lai,” tiah a ti.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

1 CHANRELNAK 22:1

Cun David nih, “Hika ah hin Bawipa Pathian inn cu a si lai i hika ah hin Israel mi ca i khangh thawinak biakṭheng cu a si lai,” tiah a ti.

SALM 66:13

Na inn ah khangh thawinak kha ka rak put lai; bia kaa kammi kha kan pek lai.

SALM 116:17

Lawmhnak chimnak raithawinak cu kan pek lai i na sinah thla ka cam lai.