DEUTERONOMI 11:25 - Lai (Hakha) Common Language Bible 2006

²⁵ Ahohmanh nih an in celh hna lai lo; Bawipa nan Pathian nih bia an kam cang hna bang khan, nan va lamh ding ram vialte cungah khan nanmah ṭihnak le phannak kha a chiah lai.

DEUTERONOMI 11:25 Խաչաձեւ Հղումներ

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

DEUTERONOMI 7:24

An siangpahrang hna cu nan kut chungah an pek hna lai i vanrang toiah an min cu nan hloh lai; nan hrawh hna hlantiang pakhat hmanh nih an in dawn kho hna lai lo.

EXODUS 23:27

“Nanmah an dotu hna nih khan keimah cu an ka ṭih lai; nanmah an tutu hna kha an cungah tuainak ka tlunter lai i nan ral vialte nih khan an hnulei an in chit hna lai i an in zamtak hna lai.

JOSHUA 5:1

Jordan khattelei ral nitlaklei i a ummi Amor mi hna siangpahrang vialte le rili pawngah a ummi Kanaan mi siangpahrang vialte nih Israel mi caah an tan dih hlantiang Jordan tiva ti cu Bawipa nih a kaoter tiah an theih tikah, Israel mi hna ruangah cun an thin a phang i an chungah thlarau zeihmanh a um ti lo.

DEUTERONOMI 2:25

Nihin ni hin, vanrang toi i a ummi vialte cungah nanmah ṭihnak le phannak chiah cu ka thawk lai i, annih nih nan thawngpang kha an theih lai i an ther lai i nanmah ruangah lungrethei in an um lai,’ tiah a ti.

JOSHUA 2:9

mi hna sinah cun, “Bawipa nih hi ram kha an pek cang hna i nanmah kan in ṭihnak hna nih khan a kan nenh i hi ram chung ummi vialte kha nan hmaiah an ther dih cang, ti kha ka hngalh.

1 CHANRELNAK 14:17

Cun David minthannak nih cun ram vialte kha a cul dih i miphun vialte cungah amah ṭihnak kha Bawipa nih a tlunter.