DEUTERONOMI 10:22 - Lai (Hakha) Common Language Bible 2006

²² Na pupa hna nih Izipt ram ah an vung kal tikah sawm sarih an si; atu ah cun Bawipa na Pathian nih van arfi zat in nan tam leiah an ser cang hna.

DEUTERONOMI 10:22 Խաչաձեւ Հղումներ

GENESIS 46:27

Izipt ram ah khan Josef nih fapa pahnih a hrin hna i Jakob innchungkhar mi dihlak Izipt ram i a kalmi cu sawm sarih an si.

EXODUS 1:5

Jakob tefa hrimhrim kha sawm sarih an si. Josef cu Izipt ram ah khan a rak um cang.

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

DEUTERONOMI 1:10

Bawipa nan Pathian nih an karhter cang hna i zohhmanh, nihin cu nan tam ning ah van arfi zat khi nan si cang.

NEHEMIAH 9:23

An tefa hna cu van i arfi zat khin na karhter hna i an pupa hna cu, “Va lut u law va co u,” tiah na rak timi hna ram chungah khan na luhpi hna.

DEUTERONOMI 28:62

Bawipa nan Pathian aw kha nan ngaih lo caah, van i arfi zat a rak si tawnmi kha tlawmte lawng nan tang lai.

LAMKALTU 7:14

Cucaah Josef nih a pa Jakob cu bia a hun cah i amah le a innchungkhar vialte cu Izipt ram ah ra dih u, tiah a ti hna; an dihlak in minung sawm sarih le panga an si.

NAMBAR 26:51

Mah hihi Israel mi hna an minung cu an si, sing ruk, thong khat, za sarih le sawm thum.

HEBRU 11:12

Mithi bantuk a si ko cang nain, hi mipa pakhat chung hin, van i arfi zat a simi le rili kam i rel cawk lo thetse zat tefa kha an chuak.

NAMBAR 26:62

Cun annih lak i relmi, thla khat ri in a cunglei pa hna cu, sang hnih le thong thum an si; annih cu Israel mi lakah rel an si lo, zeitintiah Israel mi lakah annih cu ro pek an si lo.

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

DEUTERONOMI 26:5

“Cun Bawipa nan Pathian hmaiah hi bangin nan chim lai, ‘Kan pa cu a vakvaimi Aram mi a rak si. Izipt ah a vung kal i a vung pem, tlawmte lawng an si. Cun khika ah miphun pakhat, a ngan le a ṭhawng le a tammi ah a cang.

GENESIS 46:26

Jakob tefa Izipt ram i a kalmi kha a fapale nupi hna rel loin sawm ruk le paruk an si.

DEUTERONOMI 1:11

Bawipa, nan pupa hna Pathian nih cun, atu nakin a let thong khat in in karhter hna seh law, thluachuah in pe hna seh, bia an kam hna bang khan!