DEUTERONOMI 10:21 - Lai (Hakha) Common Language Bible 2006

²¹ Amah cu na thangṭhat awk cu a si; amah cu na Pathian, hi thil lianngan le thil ṭihnung hna, na mit nih an hmuhmi, a tuahtu hi a si.

DEUTERONOMI 10:21 Խաչաձեւ Հղումներ

JEREMIAH 17:14

Ka damter law, Maw Bawipa, ṭha tein ka dam lai, Ka khamh law him tein ka um lai; Zeicahtiah ka thangṭhatmi cu nangmah na si.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

SALM 22:3

Sihmanhsehlaw nangmah cu Israel Mi Thiang, Israel mi nih an thangṭhatmi na si i na bawiṭhutdan cungah khan na ṭhu.

2 SAMUEL 7:23

Pathian nih amah mi si awk ca i tlanh awkah a kalhnawh hna i amah ca i min pakhat i ser i, amah mi hna hmai in miphun pakhat le cu miphun khuazing hna kha ṭhawl in annih cu thil lianngan le ṭihnung a tuahpiakmi hna, na mi Israel mi hna bantuk hi, vawlei cungah hin zei miphun tal an um ti maw?

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

ISAIAH 64:3

Voi khat cu na rak ra i na tuah lai tiah kan ruah lomi thil ṭihnung kha na tuah hna; tlang nih an in hmuh i ṭihnak in an ther.

ISAIAH 60:19

“Chun ah ni cu na ceunak a si ti lai lo i zan ah thlapa cu na ceunak a si ti lai lo. Bawipa cu zungzal in na ceunak ka si cang lai i ka sunparnak ceunak cu na cungah a tlang lai.

SALM 109:1

Maw ka thangṭhatmi Pathian, dai tein um hlah.

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.

SALM 145:6

Mi nih thil khuaruahhar na tuahmi kha an chim hna lai, kei nih na lianhngannak kha ka thanh lai.

SALM 148:14

A miphun kha miphun ṭhawng ah a ser hna, cucaah a mi vialte nih an thangṭhat, a dawt ngaingaimi Israel mi nih khan an thangṭhat. Bawipa cu thangṭhat u!

EXODUS 34:10

Bawipa nih cun aa thawh i, “Nanmah he biakamnak ka ser lai. Nan mi hna dihlak hmaiah, vawleicung khuazeihmanh ah le miphun aho lak hmanh ah tuah bal lomi khuaruahharnak kha ka tuah hna lai. Na sin i a ummi vialte nih khan Bawipa nih zeidah ka tuah khawh ti kha an hmuh lai, zeicahtiah nangmah caah thil lianngan ka tuah hna lai.

JOSHUA 24:18

cun Bawipa nih kan hmai in mi vialte, ram chung i a ummi Amor mi hna kha, a dawi hna; cucaah kannih zong nih kan Pathian a si caah Bawipa cu kan biak lai,” tiah an ti.