DANIEL 9:17 - Lai (Hakha) Common Language Bible 2006

¹⁷ Cucaah atu cu na sal ka thlacamnak le kan nawlnak cu ka ngaihpiak ko sawh maw Bawipa nangmah thawng lawnglawng in na hmai cu a ṭhingmi na Biakinn cungah tlanter ko.

DANIEL 9:17 Խաչաձեւ Հղումներ

SALM 80:19

Kan kirpi ṭhan ko, Maw Lianngan Bik Bawipa Pathian! Na dawtnak kha kan cungah langhter law kannih nih khamhnak k zeitikhmanh ah kan in mertak ti lai lo; nungdam in kan umter law kan in thangṭhat lai.

ṬAHNAK HLA 5:18

Zeicahtiah Zion Tlang cu a ṭiao i A cungah cenghngia kha an i chawk.

2 KORIN 1:20

zeicahtiah amah cu Pathian biakamnak dihlak ah khan “E” a si. Cu ruangah cun kannih nih Jesuh Khrih thawngin Pathian thangṭhatnak ah khan, “Amen,” kan ti tawn kha a si.

SALM 80:7

Kan kirpi ṭhan ko, Maw Lianngan Bik Pathian, na dawtnak kha kan cungah langhter law kannih nih khamhnak kan hmuh lai.

SALM 80:3

Kan kirpi ṭhan ko, Maw Pathian! Na dawtnak kha kan cungah langhter law kannih nih khamhnak kan hmuh lai.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

JOHAN 16:24

Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

DANIEL 9:19

Maw Bawipa thei ko, maw Bawipa kan ngaithiam ko, maw Bawipa ngai law tuah ko; Mi vialte nih nangmah cu Pathian na si kha an hngalh naklai, rau sawh hlah. Hi khua le hi mi hna cu nangmah ta an si,” tiah ka ti.

SALM 119:135

Na sal cungah hin na hmai kha tlanter law, na phunglam kha ka cawnpiak ko.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

SALM 67:1

Maw Pathian, vawleicung mi vialte nih na duhnak kha an hngalh i

SALM 4:6

“Thluachuahnak hmu u si law kan hei duh hringhran dah,” a timi tampi an um. Maw Bawipa, kan cungah zaangfahnak run ngei ko.

NEHEMIAH 1:6

Israel mi hna nih nangmah cungah kan sual cang i cu sualnak cu phuang in na sal Israel mi hna caah chun zan in nangmah hmaiah thla ka cammi hi theih awkah na hna in ka ngaihpiak law, na mit in ka hmuhpiak ko sawh. Asi, keimah le ka pa innchungkhar hna cu kan sual cang.

ISAIAH 48:11

Thil ka tuahmi hi keimah ca lawnglawng ah a si ko, ka min kha chiatter ka duh lo, cun keimah ta lawnglawng a simi sunparnak kha midang he i hrawm zong ka duh fawn lo,” a ti.

1 SIANGPAHRANG 8:28

Sihmanhsehlaw na salpa nih thla ka camnak le kan nawlnak cu ka ngaihpiak ko sawh, maw Bawipa, ka Pathian, nangmah hmaiah nihin ah na salpa nih ka aunak le thla ka cammi cu ka theihpiak ko sawh;

SALM 67:2

miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

SALM 74:3

Ra law kan thil a rawkmi hi na ke hrimhrim in ra pal, kan ral nih biakinn chung thil vialte an hrawh dih.

SALM 80:4

Maw Lianngan Bik Bawipa Pathian, zeitik tiang dah na mi hna kan thlacamnak hi let duh loin na kan um lai?

ṬAHNAK HLA 3:56

Ka aw kha na theih; ‘Keimah chanh awkah ra tuah,’ tiah ka au tikah, Na hna i cheh sawh hlah.