DANIEL 7:15 - Lai (Hakha) Common Language Bible 2006

¹⁵ Langhnak ka hmuhmi hna nih cun ka khuaruah an ka harter i ka lungre a thei ngaingai.

DANIEL 7:15 Խաչաձեւ Հղումներ

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

2 PETER 1:14

Kan Bawipa Jesuh Khrih nih fiang tein a kan chimh bantukin, hi a thi khomi pum hi cu, tuan ah kaa phoih ko lai.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

DANIEL 7:1

Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

DANIEL 4:5

ka ihnak i ka ih lioah mang pakhat ka manh i cu nih cun ka thin a ka phanter.

DANIEL 2:3

“Mang pakhat ka manh i cu nih cun ka lungre a ka theih ngaingai. Cu mang a sullam cu hngalh ka duh,” tiah a ti hna.

DANIEL 2:1

Nebukhadnezzar cu a bawi kum hnihnak ah khan mang pakhat a ngei i a lung a suk tuk caah aa hngilh kho lo.

JEREMIAH 17:16

Sihmanhsehlaw Maw Bawipa, an cungah ṭhat lonak tlunter kha kan fial bal lo i An ca i harnak caan tlun kha ka duhmi a si bal lo. Nangmah nih ka ka in a chuakmi bia vialte cu na hngalh dih, Ka chimmi bia vialte cu na hnatlakmi an si ko.

GENESIS 41:8

A thaizing ah cun a khuaruah a har i cucaah cun Izipt ram chung camhthiam le mifim vialte kha a kawh dih hna. A mang cu a chimh hna, asinain ahohmanh nih a sullam an lehpiak kho lo.

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 8:2

Hi langhnak ka hmuhmi ah hin Ulai tiva kam kha ka hei cuan.

DANIEL 10:16

Cun chikkhatte ah khin mi bantuk a simi nih ka hmur kha a ka tawngh. Cun ka kaa kha ka hun an i ka hmai i a dir lioah cun ka chawnh i, “Bawipa, hi langhnak nih hin ka thazang a ka lak tuk i ther loin ka um kho lo.