DANIEL 7:13 - Lai (Hakha) Common Language Bible 2006

¹³ Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir.

DANIEL 7:13 Խաչաձեւ Հղումներ

MATTHAI 26:64

Jesuh nih cun, “Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cung Nung Bik orhlei i a ṭhut le khuadawm cungin a rat kha nan hmuh lai,” tiah a leh hna.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

LUKA 21:27

Cun Mi Fapa cu sunparnak le lianhngannak he khuadawm cung i a rat kha an hmuh lai.

BIAPHUAN 14:14

Cun khua ka hun zoh i khuadawm rang pakhat ka hmuh, cu cungah cun minung he aa lomi kha a ṭhu, a lu ah sui bawiluchin aa chinh i a kut in a harmi faah pakhat aa put.

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

MARKA 13:26

Mi Fapa cu a lang lai i khuadawm chung khin lianhngannak le sunparnak he a ra lai.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

JOHAN 3:13

Vancung in a rung ṭummi Mi Fapa dah ti lo cu ahohmanh vancung i a kaimi an um bal lo.”

BIAPHUAN 1:13

Cu mei vannak hna lakah cun minung a lomi pakhat a dir i a kemit phiak in angki fual aa hruk i a ṭang ah sui taisawm pakhat aa sawmh.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

LAMKALTU 7:56

Aa thawh i, “Zohhmanh u, vancung aa hun i Pathian orhlei kamah Mi Fapa a dir kha ka hmuh,” tiah a ti.

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

DANIEL 7:22

Cun zungzal in a nungmi nih cun biakhiahnak kha Cung Nung Bik mithiang hna ca i a ṭha lei in a tuah i mithiang mi hna nih cun siangpahrang ṭhawnnak an hun hmuh caan kha a hung phan.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

HEBRU 2:14

Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

DANIEL 7:9

Ka zoh ko lioah khan bawi ṭhutdan hna cu an hun hun hna i zungzal in a nungmi cu ṭhutdan cungah khan a hung ṭhu. A puan cu hawhra bantukin a rang i a sam cu tuuhmul thiang bik bantukin a thiang. A bawiṭhutdan cu meizik lengkekual cungah hun a si i meizik kha an chuak i a ṭhutdan cu meialh nih a tuam.

EZEKIEL 1:26

Cun an lu cung i a ummi cungkhuh cungah cun bawiṭhutdan bantuk, safaiar lungvar, bawiṭhutdan a lomi kha a um i cu cungah cun minung pumruang a lomi pakhat a ṭhu.

SALM 47:5

Pathian cu a bawiṭhutdan cungah cun a hung kai; Bawipa a hung kai lioah cun lunglawmhnak au thawng le muko tum thawng a thang.

JOHAN 12:34

Mibupi nih cun an hei leh i, “Kan Phung nih Messiah cu zungzal in a nung lai, tiah a kan chimh. A si kun ah cun zeitindah Mi Fapa cu hler a si lai tiah na ti khawh? Mi Fapa timi cu ahodah a si?” an ti.

JOHAN 5:27

Cun a Fapa kha Mi Fapa ka si caah biaceihnak nawl kha a ka pek.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

1THESALON 4:17

cu caan i a nung rihmi kannih pawl cu khuadawm lakah khin Bawipa cu van i hung ton awkah pumh kan si dih lai. Cun Bawipa sinah cun zungzal in kan um lai.

SALM 110:2

Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

DANIEL 7:2

“Zan i langhnak ka hmuhmi ah keimah Daniel cu khua ka cuan i rili nganpi pakhat, van thli pali hna nih a tilet an thawhtermi kha ka hmuh,

DANIEL 7:12

A dang sahrang hna kha an bawinak cu chuh an si nain caan khat le khuacaan pakhat cu nun onh an si rih.

DANIEL 8:15

Langhnak ka hmuhmi hi a sullam zeidah a si hnga tiah keimah Daniel nih hngalh kaa zuam. Ruah lopi ah ka hmaiah minung he aa lomi a hung dir khi ka hmuh.

SALM 2:8

Ka hal law, miphun vialte hi nangmah kan pek dih lai; vawlei hi a dihlak in nangmah ta a si lai.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.