DANIEL 3:13 - Lai (Hakha) Common Language Bible 2006

¹³ Cu tikah Nebukhadnezzar nih cun a thinhun le a thinlinh in Shadrak le Meshak le Abednego cu va ko hna u, a ti i annih cu siangpahrang hmaika ah an hun chuahpi hna.

DANIEL 3:13 Խաչաձեւ Հղումներ

DANIEL 3:19

Khi tikah Nebukhadnezzar cu Shadrak le Meshak le Abednego cungah cun a thin a hung tuk hringhran i a thin a hun tuk caah a hmai zong aa simsawi dih.

DANIEL 2:12

Hi bia a theih tikah siangpahrang cu a thin aa sum kho ti lo i Babilon ram chung i mifim vialte kha that dih hna u, tiah a ti.

LAMKALTU 24:24

Ni tlawmpal hnuah khin Feliks cu a nupi Drusilla he an ra; a nupi cu Judah mi a si. Paul cu ra seh tiah an hei cah i Paul nih Khrih Jesuh zumhnak kong a chimmi kha a ngaih.

LUKA 21:12

“Hi thil vialte an tlun hlanah hin nannih cu tlaihkhih nan tong lai i hremnak nan ing lai; pumhnak inn ah khan biaceih awkah an in chuahpi hna lai i thong ah an in thlak hna lai; keimah ruangah siangpahrang hna hmaiah le uktu bawi hna hmaiah an in chuahpi hna lai.

LUKA 6:11

Sihmanhsehlaw annih cu an thin a khenh hna i Jesuh hi zeitindah kan hrawh khawh lai ti kha an i ceih.

MARKA 13:9

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

MATTHAI 10:18

Uktu bawi hna hmai le siangpahrang hna hmaiah keimah ruangah an in chuahpi hna lai i annih cu le Jentail mi hna kha Thawngṭha kha nan chimh hna lai.

PHUNGTHLÛKBIA 29:22

Thin a tawimi nih rem lonak an chuahter, Thin aa sum lomi nih palhnak an tuah zungzal tawn.

PHUNGTHLÛKBIA 27:3

Lung hi a rit i thetse zong hi a khing a rit ko, sihmanhsehlaw mihrut nih hnahnawhnak an chuahpimi cu cu hna pahnih nakcun a rit deuh.

PHUNGTHLÛKBIA 17:12

Mihrut a hruh lio i ton nakcun a fa chuhmi vompi ton a ṭha deuh.

GENESIS 4:5

sihmanhsehlaw Kain le a laksawng cungah khan cun a lung a si lo. Kain cu a thin a hung i a hmai a chia.

DANIEL 1:7

Sihmanhsehlaw tilditmi bawi bik nih khan min thar a sak hna i Daniel cu Belteshazzar a ti, Hananiah cu Shadrak a ti, Mishael cu Meshak a ti i Azariah cu Abednego a ti.