DANIEL 2:41 - Lai (Hakha) Common Language Bible 2006

⁴¹ Cun a kepha hna le a kedong hna cu a cheu umsertu tlak, a cheu thir an si zong kha na hmuh fawn. Cu a sullam cu cu pennak cu aa ṭhenmi pennak a si lai. Thir cu tlak he aa cawh caah khan ṭhir ṭhawnnak a tlawmpal cu a ngei lai.

DANIEL 2:41 Խաչաձեւ Հղումներ

BIAPHUAN 17:12

“Ki pahra na hmuhmi kha siangpahrang pahra, uknak hram aa thawk rih lomi, sihmanhsehlaw sahrang he suimilam pakhat chung uk ṭi dingin nawl pekmi an si.

BIAPHUAN 13:1

Cun sahrang pakhat rili chungin a hung chuah kha ka hmuh. Ki pahra le lu pasarih a ngei, a ki cungah cun bawiluchin pakhat cio an um i a lu cungah cun Pathian thangchiatnak min pakhat cio an i ṭial.

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

DANIEL 7:24

Ki pahra nih khan hi pennak chungah siangpahrang pahra an chuah lainak kha an hmuhsak, cun a hnuah khan siangpahrang a dang pakhat a hung chuak lai i amah hlan i a ummi hna he khan an i lo lai lo i siangpahrang pathum hna kha a tei hna lai.

DANIEL 7:7

Cun zan i langhnak ka hmuhmi hna chungah cun, sahrang palinak kha ka hmuh, ṭihnung ngai le tuksapur ngai a si i a ṭhawng hringhranmi a si, a ha cu thir an si i a tin cu dar an si. Zeizong vialte kha a khai hna i a ei hna i a tangmi paoh cu a lamh hna. Amah hlan i a ummi sahrang hna pakhat he hmanh khan an i lo lo, zeicahtiah amah cu ki pahra a ngei.

DANIEL 2:40

Cun pennak palinak a um lai i thir bantukin a ṭhawng lai; thir nih zeizong vialte a den a hrawh dih bantukin cu nih cun hmasa pennak vialte kha a khuai a den dih hna lai.

DANIEL 2:42

A kedong cu a cheu thir, a cheu tlak an si bantuk khan, cu pennak cu a ṭhawng lai nain fawi tein den khawh a si lai.