DANIEL 2:37 - Lai (Hakha) Common Language Bible 2006

³⁷ Maw siangpahrang, nangmah cu siangpahrang hna siangpahrang na si i vancung Pathian nih siangpahrang ah cun an canter i ṭhawnnak le nawlngeihnak le sunparnak an pek cang;

DANIEL 2:37 Խաչաձեւ Հղումներ

EZEKIEL 26:7

Bawipa Pathian bia cu hihi a si: Tair dohtu dingah hin chaklei in Babilon siangpahrang Nebukhadnezzar, siangpahrang hna siangpahrang chin kha ka ratpi lai. Rangtum hna le rangleng hna le rangcung ralkap hna le ralkapbu nganpi he a ra lai.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

ISAIAH 47:5

Bawipa nih Babilon cu a thawh i, “Dai zuar in ṭhu ko cang law a muihnak ah khan um ko; nangmah cu, miphun tampi hna bawinu, an in ti ti lai lo.

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

EZRA 7:12

“Siangpahrang hna siangpahrang Artazaksis nih vancung Pathian phungbia cazi, tlangbawi Ezra sinah:

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 5:12

fak piin hla an sa i, “An thahmi Tuufa kha, Lianhngannak le rumnak le fimnak le ṭhawnnak le upatnak le sunparnak le thangṭhatnak hmuh awkah aa tlak,” an ti.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

HOSEA 8:10

Sihmanhsehlaw ka pumh hna lai i dan ka tat hna lai. Assiria siangpahrang nih a hrem hna tikah an i lawng len te lai.

DANIEL 4:34

Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir ṭhan. Cung Nung Bik cu ka conglawmh i Zungzal Hmunmi Pathian cu ka hlorh i ka thangṭhat: Bawi a sinak cu a dong bal lo i a uknak cu chan vialte tiangin a hmun;

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

DANIEL 4:3

Hmelchunhnak a tuahmi hna cu zeitluk in dah an ngan i Khuaruahhar a tuahmi hna cu zeitluk in dah an ṭhawn, A pennak cu zungzal hmunmi pennak a si i Bawi a sinak cu chan vialte tiangin a hmun, a ti.

JEREMIAH 28:14

Zeicahtiah hi bangin Ralkapbu Bawipa, Israel Pathian nih a ti, ‘Hi miphun vialte hna hngawng ah hin thir hngawngkual ka chiah lai i Babilon siangpahrang cu an rianh lai. Amah cu an rianh lai, amah riantu dingah ramlak saram hmanh amah cu ka pek cang hna,’ ” tiah a ti.

ISAIAH 10:8

Aa thawh i, “Ka ralbawi cu an dihlak in siangpahrang an si.

PHUNGTHLÛKBIA 8:15

Keimah thawngin siangpahrang nih uktu bawi an si i keimah thawngin uktu hna nih a dingmi phunglam kha an ser hna.

2 CHANRELNAK 36:23

“Hi bangin Persia siangpahrang Sairas nih, Bawipa, vancung Pathian nih vawleicung ram vialte cu a ka pek cang i mah caah Judah ram Jerusalem i inn pakhat sak awk kha a ka fial. Cucaah Pathian mi a simi nannih cu nan dihlak in cuka ah cun va kal u law Bawipa nan Pathian cu nan sinah um ko seh,” a ti.

1 SIANGPAHRANG 4:24

Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

2 SIANGPAHRANG 25:28

amah cu nem tein a chawnh i Babilon khua i amah sinah a ummi siangpahrang hna an ṭhutnak cung deuh ah khan ṭhutnak a pek.

JEREMIAH 34:1

Babilon siangpahrang Nebukhadnezzar le a ralkapbu nih amah uknak tang i a ummi ram vialte le miphun vialte he Jerusalem le a khuate hna kha an doh hna lioah, Bawipa sinin Jeremiah sinah a rami bia cu hihi a si.

DANIEL 1:2

Bawipa nih Nebukhadnezzar cu Judah siangpahrang Jehoiakim kha a tlaihter i biakinn chung thil zong kha tlawmpal a lakter. Thongtla hna cu Babilon ram i a pathian inn ah khan a kalpi hna i thilri hna cu chawhlawn chiahnak inn ah khan a chiah hna.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

DANIEL 4:22

Nangmah cu na ṭhang i na ṭhawng. Na lianhngannak cu a thang i van a tawng; na bawi sinak cu vanhramdeng a phan.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

DANIEL 2:31

“Khua na cuanh lioah, maw siangpahrang, milem nganpi pakhat na hmuh. Hi milempi cu a ngan ngaingaimi a si i cer dekduk piin a um i na hmaiah cun a dir zengzung ko i zoh ah khin ṭihnungpi a si.

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!