BIAPHUAN 9:14 - Lai (Hakha) Common Language Bible 2006

¹⁴ Muko aa putmi vancungmi paruknak kha aw nih cun a thawh i, “Tiva nganpi Zufrates ah hrenmi vancungmi pali kha thlah hna,” tiah a ti.

Laibaibal Thiang (BSI)

¹⁴ Vanmi paruknâk muko putu sinah “Zufareites rili i ṭemmi vanmi pali kha chuah hna” tiah a ti.

BIAPHUAN 9:14 Խաչաձեւ Հղումներ

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.

BIAPHUAN 9:15

Vancungmi pali cu a thlah hna, annih cu hi suimilam thengte le hi ni thengte le hi thla thengte le hi kum thengte i minung vialte cheu thum cheu khat a thattu ding i rak timhlamhmi kha an si.

JEREMIAH 51:63

Cun hi cauk cu na rel dih in lung na ṭem chih lai i Zufrates tiva chungah na paih lai i

2 SAMUEL 8:3

Cun David nih Zufrates tiva kha uk ṭhan awk i a kalpah ah Zobah siangpahrang Rehob fapa Hadadezer zong kha a tei.

GENESIS 2:14

Tiva pathumnak cu Tigris a si, cu tiva cu Assiria ram nichuahlei i a luangmi kha a si. Tiva palinak cu Zufrates tiva kha a si.

BIAPHUAN 8:6

Cun vancungmi pasarih hna nih khan an muko pasarih cu tum awkah an i tim.

BIAPHUAN 7:1

Cu hnuah cun vancungmi pali vawlei kil li cung i an dir kha ka hmuh i vawlei cung thlitu pali hna kha, vawlei cungah siseh, rili cungah siseh, thingkung cungah siseh, an hrannak hnga lo an thlauh hna.

BIAPHUAN 8:2

Cun Pathian hmaiah a dirmi vancungmi pasarih kha ka hmuh hna i muko pasarih an pek hna.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

DEUTERONOMI 1:7

i mer u law, i thawh u law, Amor mi hna umnak tlangram le an pawngkam ram hna Arabah ah siseh, tlangram ah le ramniam ah siseh, Negeb le rilikam ram ah siseh, Kanaan mi hna ram ah siseh, Lebanon ah siseh, tiva ngan Zufrates tiva tiang va kal u.

JOSHUA 1:4

Ramlak le hi Lebanon tlang in tiva ngan Zufrates tiang, Hit mi hna ram vialte nitlaknak leiah Rili Ngan tiang; nan ram a si lai.

BIAPHUAN 7:2

Cun nichuahlei in vancungmi a dang pakhat a nungmi Pathian cakhenhnak he a rat kha ka hmuh. Pathian nih vawlei le rili hrawh khawhnak nawl a pekmi vancungmi pali kha aw fak piin a auh hna.