BIAPHUAN 8:13 - Lai (Hakha) Common Language Bible 2006

¹³ Cun khua ka hun zoh i vanlai ah sang piin a zuangmi mupi pakhat nih aw fakpi i, “Ṭih a va nung thiam dah! Ṭih a va nung thiam dah! A dang vanmi pathum hna nih an muko an tum ve tikah vawlei mi vialte hna caah zeitluk riamruam in dik ṭih a nun lai!” a ti.

Laibaibal Thiang (BSI)

¹³ Cun ka hun zoh i mupi van i a zuangmi nih awthang ngaiin lei i a ummi hna caah ngaihchia a si, ngaihchia a si, ngaihchia a si, zeicatiah a tângmi vanmi pathum hna nih muko an tum`hân rih lai caah tiah, a ti kha ka theih.

BIAPHUAN 8:13 Խաչաձեւ Հղումներ

BIAPHUAN 11:14

Thil ṭihnung pahnihnak cu a dih cang; sihmanhsehlaw zohhmanh, thil ṭihnung pathumnak a ra zau lai.

BIAPHUAN 9:12

Thil ṭihnung hmasa bik cu a dih; hi hnuah hin a dang pahnih a ra ding an um rih.

BIAPHUAN 14:6

Vawlei cung mi vialte, phun kip, ram kip, holh kip le mi kip sin i thanh awk a simi, zungzal Thawngṭha aa phorh i vanlai i a zuangmi vancungmi pakhat kha ka hmuh.

BIAPHUAN 19:17

Cun nika chungah vanmi pakhat a dir kha ka hmuh. Van i a zuangmi va vialte kha aw fak piin a auh hna i, “Ra tuah u, Pathian nih rawl danghnak nganpi a ser laimi ah cun i pum tuah u.

BIAPHUAN 9:1

Cun vancungmi panganak nih khan a muko cu a vun tum, van in vawlei ah arfi pakhat a tlami ka hmuh; dongh hngal lo khor tawh kha amah cu an pek.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

SALM 103:20

Nannih a ṭhawng i a liannganmi vancungmi hna, Bawipa cu thangṭhat tuah u; a nawlbia kha a ngai i a chimmi a tuahmi vialte hna, Bawipa cu thangṭhat tuah u!

BIAPHUAN 14:3

Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

BIAPHUAN 8:2

Cun Pathian hmaiah a dirmi vancungmi pasarih kha ka hmuh hna i muko pasarih an pek hna.

BIAPHUAN 12:12

Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun ṭihnung a va si hringhran dah! Zeicahtiah Khuachia cu nan sinah a rung ṭum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.