BIAPHUAN 7:2 - Lai (Hakha) Common Language Bible 2006

² Cun nichuahlei in vancungmi a dang pakhat a nungmi Pathian cakhenhnak he a rat kha ka hmuh. Pathian nih vawlei le rili hrawh khawhnak nawl a pekmi vancungmi pali kha aw fak piin a auh hna.

Laibaibal Thiang (BSI)

² Cuticun vanmi dang Pathian nung chinchiahnâk â putmi chaklei in a rak chuakmi ka hmuh. Anih nih lei le rili hrawhnâk nawl an pêkmi vanmi pali hna sinah awthang ngai in,

BIAPHUAN 7:2 Խաչաձեւ Հղումներ

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

2 KORIN 1:22

Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

BIAPHUAN 9:4

Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

BIAPHUAN 5:2

Cun vancungmi pakhat a ṭhawng ngaimi kha ka hmuh i cu vancungmi nih cun, “Ahodah cakhenhnak phoih awk le cazual samh awkah aa tlak hnga,” tiah fak piin a ti.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

BIAPHUAN 1:3

Hi cauk a relmi le hi profet bia a ngai i hi cauk chung i aa ṭialmi a zulmi cu lunglawmmi an si. Zeicahtiah hi thil vialte a tlin lai caan cu a naite cang.

BIAPHUAN 10:4

Bia an chim dih cangka cun ṭial kaa tim i sihmanhsehlaw vancung in aw pakhat nih, “Khuari pasarih nih an chimmi kha biathli ah chia, ṭial rih hlah,” tiah a run ka ti kha ka theih.

BIAPHUAN 10:1

Cun vancung in a ṭhawngmi vanmi a dang pakhat a rung ṭum kha ka hmuh. Khuadawm in aa thuam i a lu ah chuncha aa khimh; a hmai cu nika bantuk a si i a ke cu mei tung pipi bantuk an si.

BIAPHUAN 8:3

A dang vancungmi pakhat, zihmui khanghnak umte pakhat aa putmi kha a ra i biakṭheng pawngah cun a ra dir. Pathian mi hna an thlacamnak i toih awkah le bawiṭhutdan hmai i a ummi sui biakṭheng cung i khangh awkah zihmui tampi an pek.

SOLOMON HLA 8:6

Na lung chungah ca bangin ka khenh ko ai law Val dang pom ser loin keimah lawng ka pom ai ko. Dawtnak cu ee thihnak tluk ṭhawng ve, Nahchuahnak nih thli bang a hrang tuk ai! Dawtnak nih cun mei bangin hlio kaw meizik nakin ṭhawng deuh ai.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

MATTHAI 26:63

Sihmanhsehlaw Jesuh cu dai tein a um ko. Cun Tlangbawi Ngan cu a hun i nolh ṭhan i, “A nungmi Pathian min chalh in, na chim hrimhrim lai, kan ti: Pathian fapa Messiah cu na si maw si lo, chim,” tiah a ti.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

DEUTERONOMI 5:26

Zeitintiah mei chungin bia a chimmi, a nungmi Pathian aw cu kannih bangin a thei nain a nung komi ahodah titsa lakah a rak um?

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

EZEKIEL 9:4

“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti.

MATTHAI 16:16

Simon Peter nih a leh i, “A Nungmi Pathian Fapa, Messiah kha na si,” tiah a ti.

BIAPHUAN 9:14

Muko aa putmi vancungmi paruknak kha aw nih cun a thawh i, “Tiva nganpi Zufrates ah hrenmi vancungmi pali kha thlah hna,” tiah a ti.

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.