BIAPHUAN 7:16 - Lai (Hakha) Common Language Bible 2006

¹⁶ Annih cu an ti a hal in an rawl a ṭam ti lai lo; ni nih a linh ti hna lai lo i thlanhri puak in zeihmanh nih a umter ti hna lai lo.

Laibaibal Thiang (BSI)

¹⁶ Anrawl a ṭam ti lai lo i anti zong a hal ti lai lo, ni nih a linh ti hna lai lo i a sat ti hna lai lo;

BIAPHUAN 7:16 Խաչաձեւ Հղումներ

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

BIAPHUAN 21:4

An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang,” a ti.

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

SALM 121:6

Chun ah ni nih harnak an pe lai lo i zan ah thlapa zong nih harnak an pe ve lai lo.

LUKA 6:21

Nannih atu i rawl a ṭammi hna i lawm u, Nan paw a khim lai. Nannih atu i a ṭapmi hna i lawm u, Nan ni lai.

LUKA 1:53

Rawl a ṭammi kha thil ṭhaṭha in a khimter hna i Mirum kha kut lawngin a kalter hna.

ISAIAH 41:17

“Ka mi hna cu tihal in ti an kawl i an dang a car tikah, Bawipa nih an thlacamnak cu ka leh hna lai; Israel Pathian nih ka hlaw bal hna lai lo.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

MATTHAI 13:6

Ni a hung chuak i thlaikheu hme tete cu a hun emh hna tikah an hram kha a thuh lo caah an car zau.

SOLOMON HLA 1:6

Ka me hlah u ka cuar dum ruangah hin, lai ninu laak ka si fom cu ta; Ka chuah sempi ṭa nih an thin linh in ka fial hna, mitsur dum ven cu, Cu ruangah maw kei mitsur dum ven loin ka um ko ai hi.

SALM 42:2

Maw a nungmi Pathian, nangmah cu tihal in kan hal; zeitik ah dah na umnak ah ka hun khawh lai i kan biak khawh lai?

JEIM 1:11

Ni cu a hung chuak i a linhnak nih pangpar kung kha a emh; a par cu a ṭil i aa dawhnak cu a lo. Cu bantukte cun mirummi cu hnahnawk luri ngaiin an rian an ṭuan cuahmah lioah khan an lo ko lai.

MARKA 4:17

Asinain an chungah khan thuk a pil lo i cucaah sau an rau lo. Cu bia ruang i hremnak siseh, harnak siseh, an hung um tikah an i ngol zau.

MARKA 4:6

Sihmanhsehlaw ni a hung chuah i thlaici keuh ka tete cu a hun emh hna tikah an hram kha a thuh lo caah an car zau.

MATTHAI 13:21

Sihmanhsehlaw an chungah hram a thlak lo caah saupi an rau lo. Cu kong i harnak le hremnak an hun ton tikah an i ngol zau.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

SALM 143:6

Nangmah leiah thlacam in ka kut cu ka hler hna; vawlei car nih ti a ngaih bantuk khin ka nunnak nih nangmah cu an ngai.

SALM 63:1

Maw Pathian, nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih tihal in an hal; vawlei ro nih ti a duh bantuk khin an duh.

SALM 121:5

Bawipa nih an ven ko lai, nangmah huhphenh awkah na pawngin an umhnawh ko.