BIAPHUAN 7:11 - Lai (Hakha) Common Language Bible 2006

¹¹ Vancungmi vialte cu bawiṭhutdan le upa hna le saram nung pali hna vel chum ah khan an dir. Cun bawiṭhutdan hmaiah cun an kun i Pathian kha an biak i

Laibaibal Thiang (BSI)

¹¹ Vanmi vialte cu bawiṭhutdanh le upa hna le thilnung pali hna umnâk velchum ah an ṭhu i bawiṭhutdanh hmai ah bawhbu in Pathian kha an biak.

BIAPHUAN 7:11 Խաչաձեւ Հղումներ

BIAPHUAN 4:10

Cu bantukin an thangṭhat tikah upa kul le pali kha bawiṭhutdan cung i a ummi hmaiah cun an kun i zungzal in zungzal tiang a nungmi cu an biak. An suiluchin kha bawiṭhutdan hmaiah cun an chiah hna i,

BIAPHUAN 4:6

Bawiṭhutdan hmaiah cun thlalang fim bantuk a simi rili a um. Bawiṭhutdan cu a hnulei, a hmailei le a sirlei veve in saram nung pali nih an kulh i cu saram hna cu hmailei he hnulei he mit in an khat.

BIAPHUAN 11:16

Cun Pathian hmaiah bawiṭhutdan cung i a ṭhumi upa kul le pali hna kha an kun i Pathian cu an biak.

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

HEBRU 1:6

Pathian nih a fater cu vawlei cung i a thlah tikah, “Pathian vancungmi vialte nih amah cu an biak awk a si,” a ti.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

BIAPHUAN 22:9

Sihmanhsehlaw a ka thawh i, “Tuah hlah. Kei zong nangmah bantukin sal ka si ve ko; na unau profet hna le hi cauk chung i aa ṭialmi bia a zulmi na unau hna bantukin sal ka si ve ko. Pathian tu bia ko,” a ti.

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

SALM 45:11

Naa dawh caah siangpahrang nih an duh lai, amah cu na bawi a si, a nawl kha va ngai tuah.

BIAPHUAN 4:8

Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i: “A thiang, a thiang, a thiang, Lianngan Bik Bawipa Pathian cu, Amah cu a um cangmi le a um liomi le a um laimi a si,” an ti.