BIAPHUAN 7:10 - Lai (Hakha) Common Language Bible 2006

¹⁰ Fak piin an au i, “Kan khamhnak cu bawiṭhutdan cungah a ṭhumi Pathian le Tuufa sinin a rami a si,” an ti.

Laibaibal Thiang (BSI)

¹⁰ Aw thang ngaiin, “Khamhnâk cu bawiṭhutdanh i a ṭhumi kan Pathian le Tuufano ta a si,” tiah an au.

BIAPHUAN 7:10 Խաչաձեւ Հղումներ

BIAPHUAN 19:1

Cu hnuah cun vancung i a ummi mibu nganpi aw thawng bantuk ka theih i, “Pathian cu thangṭhat ko u. Khamhnak le sunparnak le lianhngannak cu kan Pathian ta an si.

SALM 3:8

Khamhnak cu Bawipa sinin a rami a si, Bawipa nih a mi cu thluachuah pe ko hna seh.”

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

BIAPHUAN 22:3

Pathian nih chiat a serhmi thil paohpaoh cu cu khua chungah cun an um kho lai lo. Pathian bawiṭhutdan le Tuufa bawiṭhutdan cu khuapi chungah cun a um lai i a rianṭuantu hna nih khan an biak lai.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

ISAIAH 43:11

Keimah lawnglawng hi Bawipa cu ka si, keimah lawnglawng hi nanmah an khamh khotu hna cu ka si.

BIAPHUAN 21:5

Cun bawiṭhutdan i a ṭhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi ṭial hna, zeicahtiah ahmaanmi le zumhawktlak a simi bia an si,” a ti.

LUKA 3:6

Cun minung phun paohpaoh nih Pathian khamhnak kha an hmuh lai,’ a ti,” tiah aa ṭialmi kha a hung tling.

JEREMIAH 3:23

Tlangpar i tuahmi biaknak sin khin bawmhnak zeihmanh a ra lo i Tlang sang cung i au lennak zong khin zeihmanh a ra lo; A ngaingai ti ahcun, Bawipa kan Pathian chung lawngah hin Israel khamhnak cu a um.

BIAPHUAN 5:7

Tuufa cu a va kal i bawiṭhutdan cung i a ṭhumi orhlei kut i cazual kha a va lak.

BIAPHUAN 4:6

Bawiṭhutdan hmaiah cun thlalang fim bantuk a simi rili a um. Bawiṭhutdan cu a hnulei, a hmailei le a sirlei veve in saram nung pali nih an kulh i cu saram hna cu hmailei he hnulei he mit in an khat.

JOHAN 4:22

Nannih Samaria mi nih cun nan biakmi kha nan hngal taktak lo, kannih Judah mi tu nih cun, kan biakmi cu kan hngalh, zeicahtiah khamhnak cu Judah mi sinin a rami a si.

JOHAN 1:36

Johan nih cun a hei zoh i, “Pathian Tuufa khi zohhmanh u,” tiah a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

JONAH 2:9

Sihmanhsehlaw kei nih cun nangmah thangṭhatnak kha hla in ka sak lai i Nangmah sinah raithawinak kan pekchanh lai i Ka tuah lai, tiah bia kaa kammi kha ka tuah lai. Teinak cu Bawipa ta a si,” tiah a ti.

HOSEA 13:4

Sihmanhsehlaw Izipt ram in an chuahpitu hna nan Pathian Bawipa kha ka si. Kha lioah khan cun keimah dah ti lo cu pathian dang zeihmanh nan hngalhmi hna an um lo. Keimah lawnglawng kha nan khamhtu ka rak si ko.

ISAIAH 45:15

Israel Pathian, a mi a khamhtu hna Pathian hi, amah le amah aa thupmi Pathian a si,’ tiah an chim lai,” a ti.

SALM 115:1

Kanmah si loin, na min lawnglawng hi sunparnak pek awk cu na si, Bawipa, zeicahtiah na dawtnak cu a fek i zumhawktlak na si.

SALM 37:39

Bawipa nih miding cu a khamh hna i harnak caan ah a huhphenh hna.

ZEKHARIAH 4:7

Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.