BIAPHUAN 22:19 - Lai (Hakha) Common Language Bible 2006

¹⁹ Cun hi cauk chung i aa ṭialmi profet bia kha azeihmanh a hlawmi cu, hi cauk chungah aa ṭialmi nunnak thingkung theitlai a co hnga ding le Khua Thiang chung i um venak a co hnga ding cu Pathian nih a lakpiak lai.

Laibaibal Thiang (BSI)

¹⁹ cun hi cauk chung i chimchung bia hna lolak i a lami pauh cu hi cauk chungah ṭialmi Nunnâk thing a thiangmi khualipi kha a lâkpiak ve lai.

BIAPHUAN 22:19 Խաչաձեւ Հղումներ

DEUTERONOMI 4:2

Bawipa nan Pathian nawlbia kan pekmi hna cu nan ulh nakhnga, nawlbia kan pekmi hna hi nan chap lai lo, nan zuk fawn lai lo.

LUKA 11:52

“Nannih Phungbia cawnpiaktu saya hna, nan caah ṭihnung a va si dah. Hngalhnak innka hunnak tawh kha nannih nih nan ken, nanmah cu nan lut duh ṭung lo i luh aa zuammi hna zong kha nan dawnh fawn ṭung hna,” tiah a ti.

BIAPHUAN 22:2

Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.

BIAPHUAN 1:3

Hi cauk a relmi le hi profet bia a ngai i hi cauk chung i aa ṭialmi a zulmi cu lunglawmmi an si. Zeicahtiah hi thil vialte a tlin lai caan cu a naite cang.

SALM 69:28

An min cu a nungmi minung cazin khan hloh si hna seh; na mi hna min cazin chungah i tel hna hlah seh.

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

BIAPHUAN 3:12

Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.

BIAPHUAN 14:13

Cun vancung in aw pakhat ka theih i, “Hihi ṭial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An rianṭuanmi nih khan a zulh hna lai i rian an ṭuannak cun an i din cang lai,” tiah a leh.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

BIAPHUAN 2:26

Teitu a simi hna le tuah hna seh ti ka duhmi a dongh tiangin a tuahmi hna cu, ka Pa sinin ka hmuhmi nawl ngeihnak kha annih zong ka pek ve hna lai. Miphun dang uknak nawl kha ka pek hna lai i annih cu thirfung in uknak nawl le tlak-um bangin khuainak nawl kha ka pek hna lai. Cun deirel arfi zong kha ka pek hna lai.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

EXODUS 32:33

Bawipa nih Moses cu a thawh i, “Ka cauk chungin a min ka hloh ding cu ka cung i a sualmi kha a si ko lai.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

PHUNGTHLÛKBIA 30:6

A bia zeihmanh chap hlah, an sik sual lai i lihchim na sinak kha a lang sual lai.

BIAPHUAN 11:2

Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

BIAPHUAN 21:5

Cun bawiṭhutdan i a ṭhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi ṭial hna, zeicahtiah ahmaanmi le zumhawktlak a simi bia an si,” a ti.

BIAPHUAN 22:7

Cun Jesuh nih, “Ngai hmanh, ka ra zau lai. Hi cauk chung i aa ṭialmi profet bia a zulmi cu lunglawmmi an si,” a ti.