BIAPHUAN 18:16 - Lai (Hakha) Common Language Bible 2006

¹⁶ “Khua lianngan kha zeitluk in dah ṭih a nun cang. Zeitluk in dah mi tuksapur a si cang. Puan hmangṭhia le puan sen le maimaw in a rak i thuam tawn i sui hlawn le lung mansung le rili lungvar in a rak i ṭamh tawn.

Laibaibal Thiang (BSI)

¹⁶ ‘Ala, ala, lungvar a phunphun le sui le ngun, puan hmangṭhia le maimaw puan le puan senduk in â thuammi khualipi kha!

BIAPHUAN 18:16 Խաչաձեւ Հղումներ

BIAPHUAN 17:4

Nu cu maimaw le puansen in aa thuam i sui hlawn le lungvar le pale lungvar in aa ṭamh. A kut in sui hrai pakhat aa put i cu sui hrai cu fihnung le ṭeifiak in a khat, cu fihnung le ṭeifiak cu a sualnak theitlai kha an si.

BIAPHUAN 18:19

An lu ah lei dip an i phulh, an ṭap an ai i, “Khua lianngan kha zeitluk in dah ṭih a nun cang. Zeitluk in dah tuksapur a si cang. Rili cungah lawng in chaw a letmi vialte hna nih amah rumnak thawngin mirum an rak si dih. Asinain suimilam pakhat chungah a chaw vialte cu an lo dih ko ee,” an ti.

EZEKIEL 28:14

Nangmah cu an cawngtu dingah a sangmi cherub kan chiahpiak; Pathian tlang thiang cungah khan na um i Mei bantukin sen himhiam in a linmi lung lakah khan porhlaw ngaiin naa chawk.

NAHUM 2:9

Hranchaw cu an lak hna, ngun le sui hranchaw hna cu; Thil an rak khonmi cu dongh a thiam lo, minung nih an duhmi thil man fak bikbik nih a phak lomi rothil an si.

BIAPHUAN 17:3

Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min ṭhalo aa ṭial; cu sahrang nih cun lu pasarih le ki pahra a ngei.

BIAPHUAN 18:18

a kanghnak meikhu kha an hmuh tikah, “Hi khualipi bantukin a liannganmi khua a um bal lo,” an ti.