BIAPHUAN 17:4 - Lai (Hakha) Common Language Bible 2006

⁴ Nu cu maimaw le puansen in aa thuam i sui hlawn le lungvar le pale lungvar in aa ṭamh. A kut in sui hrai pakhat aa put i cu sui hrai cu fihnung le ṭeifiak in a khat, cu fihnung le ṭeifiak cu a sualnak theitlai kha an si.

Laibaibal Thiang (BSI)

⁴ Cu nu cu sen-eu le senduk in â thuam, sui le lungvar le rili lungvar man sung ngaimi in â ṭamh, a kut in fihnung le thurhnawmhnâk in a khatmi horduhcuainâk hrai â put.

BIAPHUAN 17:4 Խաչաձեւ Հղումներ

BIAPHUAN 18:16

“Khua lianngan kha zeitluk in dah ṭih a nun cang. Zeitluk in dah mi tuksapur a si cang. Puan hmangṭhia le puan sen le maimaw in a rak i thuam tawn i sui hlawn le lung mansung le rili lungvar in a rak i ṭamh tawn.

JEREMIAH 51:7

Babilon cu Bawipa kut chung i sui hrai, vawlei vialte a ritter dih tu a si; Miphun hna nih a mitsur hang cu an din i cu nih cun a molhter dih hna.

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIAPHUAN 18:12

an sui, an ngun, an lungvar, an rili lungvar, le la hmangṭhia in tahmi thilri puan sen, pu, maimaw; cun thingrua theihtlei in sermi thil phun zakip, vui ho le thing man sung in sermi thil phun kip,

ṬAHNAK HLA 1:9

A hni ah thurhnawmhnak cu aa beh i Hmailei a sicannak ding kha a ruat lo. A tluknak cu zumh khawh lo tiangin a si i Amah hnemtu ah ahohmanh an um lo. Bawipa, a harnak hi nangmah nih run zohpiak law, Zeitindah a ral nih an tei kha run hmuhpiak ko.

BIAPHUAN 14:8

Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti.

DANIEL 11:38

Cu hna nakcun ralhau pathian, a pupa hna nih an rak hngalh bal lomi kha sui le ngun le lungvar le a man a sungmi laksawng in a upat deuh hna lai.

EZEKIEL 24:13

Cu bantukin na zuanzam thurhhnawmhnak in kan thianh tik hmanh ah cun na thiang rih lo, Cucaah na cung i ka thinhunnak ka tlinter cikcek hlantiang cu na thiang bal lai lo, a ti.

EZEKIEL 24:11

Cun um cu a lawngin mei cungah cun ka toh lai, A dar cu a linh tuk ah a sen dih lai i, A chung i a ummi hnawm vialte an ti dih lai i cirik vialte cu a kangh dih hna lai.

1 SIANGPAHRANG 14:24

cu ram chungah biaknak lei pa hlawhhlang zong an um. Israel mi hna hmai in Bawipa nih a ṭhawlmi miphun hna nih an tuahmi fihnung vialte kha an tuah ve.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

EZRA 9:11

na sal profet hna sinin na kan pek i, ‘Va co awkah nan va luhhnawh laimi ram cu, cu ram i a ummi hna thian lonak thawngin a thurhnawm i khattelei kam in khattelei kam tiang an fihnunnak le an thian lonak in a khatmi ram a si.

EZEKIEL 20:30

“Cucaah Israel mi cu chim hna law hihi Bawipa Pathian bia a si tiah ti hna; ‘Nan pupa hna nih an i thurhhnawmh bangin nan i thurhhnawmh lengmang ko maw? Fih a nungmi an pathian hna sinah khan maw zeihmanh ruat loin nan i pek lengmang ko?

2 SIANGPAHRANG 21:2

Bawipa nih Israel mi hna hmai in a ṭhawlmi hna miphun hna nih an tuahmi fihnung phunglam ning khan, amah nih Bawipa mithmuh ah ṭhat lonak kha a tuah.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

DEUTERONOMI 29:17

cun an thil fihnung a simi, thing le lung le sui le ngun in sermi an siasal hna anmah lak i a ummi cu nan hmuh cang hna.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

EZEKIEL 28:13

Pathian dum Eden dum chungah khan na rak um i Lungvar a phunphun in naa ṭamh: Naa ṭamhnak lungvar hna cu sardin le khrisolaih le lunghring le topaz le karnelian le jasper a hringmi le lapis lazuli le safaiar le karbankal le emeral an si. A ring cherhmarhmi na ṭhi cu sui an si i Naa menhmi na hniar hna cu hrin na si ni i an in serpiakmi kha an si.

BIAPHUAN 9:21

Cun an lainawn le an pumsa camh le an pumsa sualnak le an fir zong kha an i ngaihchih hlei fawn lo.

BIAPHUAN 21:21

Kutka hleihnih cu rili lungvar hlum pipi hleihnih an si, kutka pakhat ah lungvar hlum pakhat a si ko. Khuapi chung lam cu sui thiang a si i thlalang bantukin a tleu.