BIAPHUAN 16:19 - Lai (Hakha) Common Language Bible 2006

¹⁹ Khualipi cu cheu thum ah a kuai i ram vialte cu an khua kha an rawk dih. Pathian nih a liannganmi Babilon kha a philh lo i a hrai chung zu kha a dinter — a thinhunnak zu kha.

Laibaibal Thiang (BSI)

¹⁹ Cubangin khualipi lianngan cu cheuthum ah â cheu, miphun kip khualipi hna zong an cim dih. Cun Babilon khua liangan zong a thinhunnâk hrai din awkah Pathian hmai ah philh a si lo.

BIAPHUAN 16:19 Խաչաձեւ Հղումներ

BIAPHUAN 18:5

Zeicahtiah a sualnak cu van tawng in aa pong i Ṭhat lonak a tuahmi kha Pathian nih a philh lo.

BIAPHUAN 18:10

Temhnak a inmi kha an ṭih caah a langhlat piin an dir i cuka cun an i thawh i, “Ṭih a hei nung hringhran dah! Mi tuksa a hei pur hringhran dah! Babilon khualipi, khua lianngan le khua ṭhawng! Suimilam pakhat chungah na rawk dih ko!” an ti lai.

BIAPHUAN 17:18

“Nu na hmuhmi cu vawlei cung siangpahrang hna a uktu khualipi kha a si,” a ti.

BIAPHUAN 18:21

Cun a ṭhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh ṭhan a si ti lai lo.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.

BIAPHUAN 17:5

A cal ah min pakhat aa ṭial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

JEREMIAH 25:26

Chaklei siangpahrang vialte hna, a hla he a nai he, pakhat hnu pakhat in. Vawlei cung i miphun a simi paohpaoh nih cun an din lai, a hmanung bik ah Babilon siangpahrang nih a din lai.

BIAPHUAN 11:8

an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

BIAPHUAN 17:1

Cun vancungmi pasarih lak i pakhat, kanto aa putmi kha ka sinah a ra i, “Ra law, rilipi cungah bawinu ṭhut in a ṭhumi hlawhhlangnu milianngan nu kha, zeitindah dantat a si lai, ti kha kan hmuhsak lai.