BIAPHUAN 16:15 - Lai (Hakha) Common Language Bible 2006

¹⁵ “Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.

Laibaibal Thiang (BSI)

¹⁵ Ngaihmanh, mifir bangin ka ra lai, timhcia le ralring tein a ummi cu mithluachuak a si, culoahcun taklawng in a um le a mualpho kha an hmuh sual lai.

BIAPHUAN 16:15 Խաչաձեւ Հղումներ

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

MATTHAI 25:13

Cucaah cun, a ni siseh, a caan siseh, nan hngalh ṭung lo caah ralring tein um ko u.

2 KORIN 5:3

cu inn in thuamh kan si tikah pum loin kan um lai lo.

MARKA 14:38

Cun annih cu, “Nan dihlak in hngilh loin um u law tukforhnak chungah nan tlak nakhnga lo, thla cam u, thlarau nih cun a duh ko, sihmanhsehlaw titsa cu a thazang a tlawm,” tiah a ti.

LAMKALTU 20:31

Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

1THESALON 5:6

Cucaah midang bantukin kan i hngilh awk a si ti lo; kan i ṭhangh awk le lungfim tein kan um awk a si.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

MATTHAI 26:41

Tukforhnak chungah nan luh nakhnga lo hngilh lo tein um u law thlacam tuah u. Thlarau nih cun a huam ko, sihmanhsehlaw titsa cu a der,” tiah a ti.

ISAIAH 47:3

Mi kuttang i na um le ningzahnak na in kha an in hmuh lai, salnu bantukin hnipuan loin na um kha an in hmuh lai. Teirul kan cham lai i ahohmanh nih an ka kham kho lai lo,” a ti.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

EZEKIEL 16:37

nangmah duhtu na fuhmi vialte hna, na duhmi vialte hna le na huatmi vialte hna kha, ka pumh hna lai. Annih cu khuazakip in ka pumh hna lai i an hmaiah khan na puan kan phoih dih lai i na takpum cu a dihlak in a lawng piin an in hmuh lai.

HABAKKUK 2:15

Rawk ding nan si ko cang! Nan thinhun in nan innpa hna cu nan nautat hna i ningzah nan thlaih hna. Zuri sawn in nan sawnter hna.

HOSEA 2:3

Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

EXODUS 32:25

An pawngkam ah ral ṭihnung an um ko nain, Aaron nih khan siasal biaknak leiah a thlahdorh hna caah Israel mi cu an duhduh in an um cio ko ti kha Moses nih a hmuh.

1THESALON 5:4

Sihmanhsehlaw u le nau hna, nannih cu mui padap chung i khua a sami nan si lo i mifir bantukin cu Ni nih cun a hlauh in an hlauh hna awk a si lo.

BIAPHUAN 3:11

Ka ra zau lai. Na ngeihmi kha ṭha tein i chiah, teinak laksawng na hmuh ding cu ahohmanh nih in chut hna hlah seh.

BIAPHUAN 22:7

Cun Jesuh nih, “Ngai hmanh, ka ra zau lai. Hi cauk chung i aa ṭialmi profet bia a zulmi cu lunglawmmi an si,” a ti.