BIAPHUAN 16:10 - Lai (Hakha) Common Language Bible 2006

¹⁰ Cun vancungmi panganak nih a kanto cu sahrang bawiṭhutdan cungah khan a bungh. Sahrang pennak ram cungah khan muihnak a tlung ciammam i fahnak an inmi kha a fah tuk caah an lei kha an i seh,

Laibaibal Thiang (BSI)

¹⁰ Cuticun vanmi panganâk nih a hrai cu sahrang bawiṭhutdanh cungah a toih i a pennâk cu muihnâk in a khat; cun an nganfah tuk ah an lei kha an i seh.

BIAPHUAN 16:10 Խաչաձեւ Հղումներ

BIAPHUAN 9:2

Dongh hngal lo khor cu arfi nih cun a vun hun i somei nganpi chung i meikhu a chuakmi bantuk meikhu kha a hung chuak hluahmah; cu dongh hngal lo khor in a chuakmi meikhu nih cun ni ceunak le thli kha a muihter dih hna.

MATTHAI 8:12

Sihmanhsehlaw Vancung Pennak chung i a um ding a simi hna tu kha cu, khualeng muihnak ah hlonh an si lai i cuka ah cun an ṭap lai i an hacang an rial lai,” tiah a ti.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

BIAPHUAN 17:17

Zeicahtiah Pathian nih a chimmi bia kha a tlin hlantiang cu, Pathian nih aa tinhmi tuah duhnak kha an lungthin chungah a chiah i cucaah lungnge tein rian an ṭuan i uknak nawl an ngeihmi kha sahrang cu an pek.

MATTHAI 22:13

Cun siangpahrang nih khan a sinum cu a thawh hna i, ‘A kut le a ke kha ṭem u law, khua leng mui lakah hei hlonh u. Cuka ah cun va ṭap seh law a hacang va rial seh,’ tiah a ti.

BIAPHUAN 18:21

Cun a ṭhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh ṭhan a si ti lai lo.

LUKA 13:28

Nannih vial cu lengah nan um lai i Abraham le Isak le Jakob le profet vialte hna cu Pathian Pennak chungah khan nan hmuh hna lai, cu tikah nan ṭap len lai i nan hacang nan i rial sek te lai.

MATTHAI 24:51

a bawipa nih cun a sam cikcek lai i midepde pawl umnak hmun ah khan a umter ve lai. Cuka ah cun a ṭap lai i a hacang a rial lai.

SALM 78:49

Ṭih a nungmi a thinhunnak kha an cungah a thlet hnawh hna i hrawktu vancungmi a thlahhnawhmi hna nih khan harnak tampi an pek hna.

BIAPHUAN 17:9

“Fim le hngalhthiam a hau. Lu pasarih hi tlang pasarih, nu a ṭhutnak tlang pasarih kha an si. Cun siangpahrang pasarih zong kha an si fawn.

MATTHAI 13:50

meiphu chungah an paih hna lai. Cuka ah cun an ṭap lai i an hacang an rial lai,” tiah a ti.

MATTHAI 13:42

meiphu chungah an paih hna lai, cuka ah cun an ṭap lai i an hacang an rial lai.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

BIAPHUAN 11:8

an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.

BIAPHUAN 11:2

Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

1 PETER 2:17

Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.

BIAPHUAN 8:12

Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.