BIAPHUAN 10:2 - Lai (Hakha) Common Language Bible 2006

² A kut in aa samhmi cazual hmete pakhat aa put. A orhlei ke in rili kha a lamh i a kehlei ke in vawlei kha a lamh,

Laibaibal Thiang (BSI)

² A kut ah cauk a fate kau ciami â put. A orhlei ke in rili a lamh i a kehlei in vulei a lamh,

BIAPHUAN 10:2 Խաչաձեւ Հղումներ

BIAPHUAN 10:5

Cun rili cung le vawlei cungah a dirmi vancungmi ka hmuhmi nih khan van leiah a orhlei kut a hler i

BIAPHUAN 6:3

Cun Tuufa nih cun cakhenh pahnihnak kha a phoih i saram nung pahnihnak nih, “Ra,” a ti kha ka theih.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

SALM 2:8

Ka hal law, miphun vialte hi nangmah kan pek dih lai; vawlei hi a dihlak in nangmah ta a si lai.

BIAPHUAN 6:1

Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.

ISAIAH 59:19

Nichuahlei in nitlaklei tiang, mi kip nih an ṭih lai i a ṭhawnnak a nganmi kha an hmaizah lai. A hlonh in aa hlonhmi tiva bantukin a ra lai, a ṭhawngmi thlitu bantukin a ra lai.