BIAPHUAN 10:10 - Lai (Hakha) Common Language Bible 2006

¹⁰ A kut i cazual hmete cu ka lak i ka ei, ka ka chungah cun khuaihliti bantukin a thlum. Sihmanhsehlaw ka vun dolh tikah ka paw chungah cun a kha.

Laibaibal Thiang (BSI)

¹⁰ Cuticun vanmi kut cauk fate cu ka lak i ka ei, ka kâ ahcun khuaihliti bangin a thlum, asinain ka ei dih in ka paw cu a khâ dih.

BIAPHUAN 10:10 Խաչաձեւ Հղումներ

EZEKIEL 3:3

Cun aa thawh i, “Mipa, kan pekmi ca zual hi dolh law khim tein um tuah,” tiah a ti. Cucaah ka ei i khuaihliti bantukin a thlum.

PHUNGTHLÛKBIA 16:24

Biathlum cu khuaihliti bantuk a si, nunnak caah a thlum i pum caah damnak a si.

SALM 119:103

Zeitluk in dah na nawlbia cu an thlum, khuaihliti nakin an thlum deuh.

SALM 104:34

Pathian nih lunglawmhnak a ka pek zat in, ka thangṭhatnak hla nih amah cu a lunglawmhter ve seh.

SALM 19:10

Sui nakin duh deuh awk an si, sui thiang bik phun nak hmanh in duh deuh awk an si, Khuaihliti nakin an thlum deuh, khuaihliti thiang bik nakin an thlum deuh.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

BIAPHUAN 10:9

Vancungmi sinah cun ka va kal i cazual hmete cu ka pe, tiah ka va ti. A ka thawh i, “I lak law ei tuah; na pawpi chungah cun a kha lai, sihmanhsehlaw na ka chungah cun khuaihliti bantukin a thlum lai,” a ti.

BIAPHUAN 10:11

Cun, “Pathian nih miphun dangdang hna le ram dangdang hna le holh phun dangdang hna le siangpahrang tampi hna kong i a chimmi bia kha na chim ṭhan awk a herh lai,” an ka ti.