BIAPHUAN 1:2 - Lai (Hakha) Common Language Bible 2006

² Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

Laibaibal Thiang (BSI)

² amah nih Pathian bia le Jesuh Krih kong a hmuhmi vialte kha a hngalhter hna.

BIAPHUAN 1:2 Խաչաձեւ Հղումներ

1 KORIN 1:6

Cu a langhnak cu Khrih kong kan chimmi biatak kha nan chung i fek tein a umnak ah hin a si i kan Bawipa Jesuh Khrih a langh lainak nan hngahnak ah hin

BIAPHUAN 12:17

Limkeng cu minu cungah khan a thin a hung ngaingai i minu tefa a tang rihmi vialte hna doh awkah khan aa thawh; cu hna cu Pathian nawlbia a ngai i Jesuh nih a phuanmi biatak, zumh awk tlak tein aa tlaihmi kha an si.

1JOHAN 1:1

A hramthawk tein a rak um cangmi nunnak Bia kong kha ca in kan in kuat hna: cucu kan hna in kan theihmi le kan mit in kan hmuhmi kha a si; asi, kan mit in kan rak hmuh i kan kut in kan rak tawngh.

JOHAN 21:24

Hi pa cu zultu a si i hi thil hna a chimtu le a ṭialtu zong a si; a chimmi cu ahmaan ti kha kan hngalh.

JOHAN 19:35

(Hi thil a hmutu nih hi kong a chimnak cu nannih zong nih nan zumh khawh ve nakhnga caah a si. A chimmi cu biatak a si i biatak ka chim tiah a hngalh).

BIAPHUAN 1:19

Cucaah cun na hmuhmi thil, atu i a um liomi thil hna le hmailei ah a um lai dingmi thil hna kha ṭial hna.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

LAMKALTU 26:16

Sihmanhsehlaw tho law na ke in dir tuah. Nangmah cu ka sal i ser kan duh caah na sin i ka langh hi a si; nihin i keimah kong na hmuhmi le hmailei i kan hmuhsak dingmi thil kha, nangmah nih midang kha na chimh hna lai.

JOHAN 12:17

Jesuh nih Lazaruh kha, thlan chungin hung chuak, tiah a vun kawh i thihnak in a thawhter tikah khan, Jesuh sinah a ummi hna nih khan cu kong cu an va chimh chin hna.

BIAPHUAN 6:9

Cun Tuufa nih cun cakhenh panga-nak kha a phoih. Pathian bia an chim ruangah le Pathian tehte an sinak ah zumhawktlak in an um ruangah an thahmi hna thlarau kha biakṭheng toiah cun ka hmuh hna.

1JOHAN 4:14

Pa nih a Fapa kha vawlei khamhtu ah a run thlah, ti a hmutu le midang a chimtu hna cu kanmah hi kan si.

1 KORIN 2:1

Ka u le ka nau hna, nan sin i Pathian biathli chim awk i ka rat ah khan, biathluan sausau le cathiam sang pawl nih an hmanmi bia kha ka hmang hna lo.

LAMKALTU 4:20

Zei ti si hmanh ah kannih nih cun kanmah hrimhrim nih kan hmuh komi le kan theih komi cu chim lo cun kan um kho bal lai lo,” an ti hna.

JOHAN 3:11

Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo.

JOHAN 1:32

Cun Johan nih cun, “Vancung in Thlarau cu ṭhuro bantukin a rung ṭum i a cung i aa fut kha ka hmuh.

BIAPHUAN 12:11

Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

3 JOHAN 1:12

A mi kip nih Demetrius cu an thangṭhat i biatak hrimhrim zong nih a thangṭhat. Cun kannih zong nih kan thangṭhat ve i kan chimmi cu biatak a si ti kha na hngalh.

LAMKALTU 22:15

Zeicahtiah na hmuhmi le na theihmi kha mi vialte a chimtu amah tehte na si lai.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

BIAPHUAN 22:21

Nan dihlak cungah Bawipa Jesuh vel cu um ko seh. Amen.