BIACEIHTU 8:21 - Lai (Hakha) Common Language Bible 2006

²¹ Cun Zebah le Zalmunna nih cun, “Nangmah kha tho law, kan that ko; zeitintiah mi cu patling a si bangin pei a thazang zong cu a si ve cu,” an ti. Cun Gideon cu a tho i Zebah le Zalmunna cu a thah hna; cun an kalauk hngawng i oihmi ṭhi cu a lak hna.

BIACEIHTU 8:21 Խաչաձեւ Հղումներ

SALM 83:11

Oreb le Zeeb cungah na tuahmi bantuk kha an ralbawi hna cungah cun tuah ko; Zebah le Zalmunna na sunghter hna bantuk khan, an uktu bawi vialte cu sunghter ko hna;

ISAIAH 3:18

Bawipa nih Jerusalem nu hna cu, an i porhlawtmi thil paohpaoh a lakkanh dih hna lai ni a phan lio. An fengbeo ah an i khihmi le an lu ah an i khimhmi le an hngawng ah an i oihmi le

BIACEIHTU 8:26

Cun a halmi hna sui hnatonh hna cu sui shekel thong khat le za sarih a si: ṭhi le kutkhih le Midian siangpahrang hna nih an i aihmi puan sen duk hna le an kalauk hna i an hngawng i an i oihmi hngawngoih hna lengah.

BIAPHUAN 9:6

Cu thla nga chung cu kha mi hna nih khan thih an i duh deuh lai, sihmanhsehlaw an thi kho ṭung lai lo; thih kha an i kawh lai, sihmanhsehlaw thihnak nih a zamtak ṭung hna lai.

SALM 83:1

Maw Pathian, um sawhsawh ko hlah; dai zirziar le holh loin um hlah, maw Pathian!

1 SAMUEL 31:5

Cun a ralthuam putu nih khan Saul kha a thi cang tiah a hmuh tikah amah zong nih a vainam kha a bawhkhuh ve i amah sinah cun a thi.

1 SAMUEL 31:3

Cun Saul cu heh tiah an nam i thalkah thiam hna nih khan an phak ai; cun thal kah thiam hna nih khan ṭhalo tein an hliam.

BIACEIHTU 9:54

Khi tikah a hriamnam putu tlangvalpa cu khulrang in a auh i, “Na vainam kha i zuh law, ka that tuah, cu ti a si lo ahcun, ‘Nu pakhat nih a thah,’ an ka ti sual hnga,” tiah a ti. Cun a tlangvalpa nih cun tleng lakin a chunh i a thi.

BIACEIHTU 8:20

Cun a fapa upa bik Jether sinah cun, “Tho law, that hna,” tiah a ti. Sihmanhsehlaw tlangval nih cun a vainam aa zuh lo; tlangvalte a si rih caah a ṭih.

BIACEIHTU 8:22

Cun Israel mi nih Gideon cu, “Nangmah nih kan uk tuah, nangmah le na fapa le na tu tiangin; zeicahtiah nangmah nih Midian kut chungin na kan chuah,” tiah an ti.

JOSHUA 10:26

Cun a hnuah Joshua nih a tuk hna i a thah hna i thingkung panga cungah a thlai hna. Cun thingkung cungah cun zanlei tiang an i thlai;

BIACEIHTU 15:12

Cun annih nih a sinah, “Filistin mi hna kut chungah kan in pek nakhnga, nangmah ṭem awkah kan rung,” tiah an ti. Cun Samson nih annih cu, “Kannih nih cun kan in that lai lo, tiah ka sinah chiat ser hmasa u,” tiah a ti hna.

SALM 83:12

cu uk bawi pawl nih cun an rak i thawh i, “Pathian ram a simi cu kanmah caah kan i lak lai,” an rak ti.