BIACEIHTU 7:19 - Lai (Hakha) Common Language Bible 2006

¹⁹ Cucaah Gideon le a sinah a ummi za khat hna cu zan ven a laifang hramthawk, a cawngtu an i chiah kate ah khan, riahhmun tonter cu an va phan; cun muko kha an tum i an kut i an i putmi thawl cu an den hna.

BIACEIHTU 7:19 Խաչաձեւ Հղումներ

BIAPHUAN 16:15

“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.

1THESALON 5:2

Zeicahtiah zan ah mifir an rat bantuk khin Bawipa Ni cu a ra lai ti kha nanmah hrimhrim nih nan hngalh ko.

MATTHAI 25:6

“Zanṭimpi ah khin mi an hung au i, ‘Nupi ṭhi tlangval cu a ra cang. Ra chuak u law ra tong u,’ tiah an ti.

SALM 2:9

Thirfung in na uk hna lai i tlak um bangin na khuai dih hna lai,” a ti.

BIACEIHTU 7:16

Cun mi za thum kha phu thum ah a cheu hna i an dihlak in an kut chungah muko le thawllawng, a chung i meifar a ummi kha, a pek cio hna.

EXODUS 14:24

Khuadei laite ah khin Bawipa nih cun minmei tom le mei tom chung khan Izipt mi kha a vun zoh hna i a tuaiter dih hna.

BIACEIHTU 7:18

Keimah le ka sin i a ummi vialte nih muko kha kan tum tikah, riahhmun velchum i a ummi vialte zong nih muko kha nan rak tum ve lai i, ‘Bawipa ca le Gideon caah,’ ti in nan au lai,” tiah a ti hna.

BIACEIHTU 7:20

Cun phu thum hna nih khan muko kha an tum i thawl kha an khuai hna, an kehlei kut in meifar kha an i put i an orhlei kut in tum awk muko kha an i put; cun, “Bawipa ca le Gideon caah vainam pakhat!” tiah an au.

SALM 90:4

Kum thong khat hi nang caah cun ni khat bantuk a si; a dih cangmi nizan bantuk kha a si ko, zan khat chung i suimilam caan tawite pakhat bantuk khi a si ko.