BIACEIHTU 7:11 - Lai (Hakha) Common Language Bible 2006

¹¹ cun annih nih an chimmi kha nan theih lai i cu hnuah cun an riahhmun cu vung doh awkah na kut cu ṭhawnter an si lai,” tiah a ti. Cun a sinum Purah he khan riahhmun chung i a ummi hriampumi hna ralven buk ah khan an vung kal.

BIACEIHTU 7:11 Խաչաձեւ Հղումներ

GENESIS 24:14

ngaknu kha ka thawh i, ‘Zaangfahnak in na ti-um kha vun ṭhum law ti din awk ka pe tuah,’ ka ti i, ‘Ding hen, na kalauk hna zong kha ti ka pek hna lai,’ a timi cu, na sal Isak ca i na thimmi si seh. Cu bantuk thil a si ahcun, ka bawipa sin i na biakamnak kha a hmun tiah ka hngalh lai,” a ti.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

NEHEMIAH 6:9

Zeicahtiah annih nih an thinphang hna seh ti kha an ka duh i, “Rian ṭuan kha an kut nih a ngol lai i rian cu ngol a si lai,” tiah an ruah. Sihmanhsehlaw maw Pathian, ka kut cu ṭhawnter ko hna.

EXODUS 13:18

Phihlik kheng tlang vel in a velter deuh hna i thetse ram in Rili Sen lei tu ah khan a kalpi hna. Israel mi cu ral hriamnam tling tein an ngei.

EFESA 3:16

Nan chunglei minung sinak ah a ṭhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin ṭhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

BIACEIHTU 7:10

Sihmanhsehlaw a kal na ṭih ahcun, na sinum Purah he khan riahhmun ah cun vung kal u;

1 SAMUEL 14:12

Cun ralvengtu ralkapbu hna nih cun Jonathan le a ralthuam putu cu an hei kawh hna i, “Kan sinah hung u law, thil pakhat kan in hmuhsak hna lai,” tiah an hei ti hna. Cun Jonathan nih a ralthuam putu sinah cun, “Hun ka zul tuah; zeitintiah annih cu Bawipa nih Israel mi kut chungah a pek cang hna cuh,” tiah a ti.

1 SAMUEL 23:16

Cun Saul fapa Jonathan kha a tho i David sinah Horesh ah khan a kal i amah kha Pathian ah a kut a fehter.

1 SAMUEL 26:6

Cun David nih Hit mi Ahimelek le Joab unau Abishai, Zeruiah fapa, sinah khan, “Ahodah riahhmun chungah khin, Saul sinah khin, a vun ka zul lai?” tiah a ti. Cun Abishai nih, “Keimah nih kan zulh lai,” tiah a ti.