BIACEIHTU 6:32 - Lai (Hakha) Common Language Bible 2006

³² Cucaah amah cu khi ni ah Jerubbaal tiah min sak a si, a sullam cu, a biakṭheng kha a chimh dih caah, “Baal nih amah cu doh tuah ngat seh,” ti a si.

BIACEIHTU 6:32 Խաչաձեւ Հղումներ

1 SAMUEL 12:11

Cun Bawipa nih Jerubbaal le Barak le Jepthah le Samuel kha a run thlah hna i nan pawngkam i a ummi nan ral hna kut chungin an chuah hna i him tein khua nan sa.

2 SAMUEL 11:21

Aho nih dah Jerubbesheth fapa Abimelek kha a rak thah kha? Nu pakhat nih changvut rialnak lung a cunglei kha vampang in a vun thlakhnawh i Thebez ah khan a thi a si lo mei? Zeicahdah ralhau naih vampang naih tuk hringhran ah cun nan va kal?’ a ti ahcun, ‘Na salpa Uriah, Hit mi zong kha a thi ve,’ tiah na ti te lai,” tiah a ti.

BIACEIHTU 7:1

Cun Jerubbaal (cucu Gideon) le amah sinah a ummi vialte cu zing tein an tho i Harod tiput pawngah an riak; cun Midian riahhmun cu an chaklei ah, Moreh tlang hram, nelrawn chungah a si.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

JEREMIAH 11:13

Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakṭheng hna cu Jerusalem khua chung lam zat an si.

BIACEIHTU 6:31

Sihmanhsehlaw Joash nih a hung chuahhnawhtu vialte hna sinah cun, “Baal cu maw nan ṭanh ko lai? Amah cu maw nan humhak ko lai? Amah a ṭanhtu paoh cu, zing ah hin thah a si lai. A biakṭheng kha chimh a si caah, pathian a si ahcun amah le amah i ṭanh ngat seh,” tiah a ti.

BIACEIHTU 8:35

cun Jerubbaal (cucu Gideon kha a si) innchungkhar cung zongah khan, Israel mi cung i ṭhatnak a tuahmi vialte caah khan, zaangfahnak an langhter lo.