BIACEIHTU 4:3 - Lai (Hakha) Common Language Bible 2006

³ Khi tikah Israel mi nih Bawipa cu bawmhnak hal in an auh; zeitintiah Jabin nih thir rangleng za kua a ngei i Israel mi cu kum kul chung fak piin a hrem hna.

BIACEIHTU 4:3 Խաչաձեւ Հղումներ

BIACEIHTU 1:19

Cun Bawipa cu Judah sinah a um i tlangram i a ummi hna cu a dawi hna, sihmanhsehlaw rawn i a ummi hna cu, thir rangleng hna kha an ngeih caah an dawi kho hna lo.

SALM 106:42

An ral nih cun an rial hna i cawlcang kho loin an kut tangah cun an chiah hna.

BIACEIHTU 3:9

Sihmanhsehlaw Israel mi nih cun Bawipa kha an auh tikah Israel mi caah cun Bawipa nih chuahtu pakhat a hun umter; amah nih cun a chuah hna, amah cu Kaleb nau Kenaz fapa Othniel a si.

SALM 78:34

Sihmanhsehlaw a cheu a thah hna tikah khan, a cheu cu amah leiah an i mer ve; an i ngaichih i amah sinah thla fak piin an cam.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

1 SAMUEL 7:8

Israel mi nih Samuel cu, “Filistin mi hna kut chungin a kan khamh nakhnga, kan ca i Bawipa kan Pathian sin i na aunak cu ngol hlah,” tiah an ti.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.

BIACEIHTU 5:8

Annih nih pathian thar kha an i thim hna tikah, Kutka ah raltuknak kha a um. Israel mi sang li chungah khan Phaw siseh, fei siseh, hmuh awk a rak ram maw?

BIACEIHTU 3:15

Sihmanhsehlaw Israel mi nih Bawipa kha an auh tikah annih cu Bawipa nih cun chuahtu pakhat a serpiak hna, Benjamin phun Gera fapa Ehud, kehtlak kha a si. Israel mi nih amah cu Moab siangpahrang Eglon sinah ngunkhuai an phorhter.

JOSHUA 17:16

Josef phun nih cun, “Tlangram cu kan caah cun aa za lo; sihmanhsehlaw rawn i a ummi Kanaan mi vialte hna cu Beth-shean le a khuate i a ummi nih si hna seh, Jezreel Nelrawn i a ummi nih si hna seh thir rangleng an ngei,” tiah an ti.

DEUTERONOMI 28:33

Nan hngalh lomi miphun nih nan vawlei le nan rianṭuanmi theitlai cu an ei dih lai i, nannih cu hrem le lamhchih lawng nan si lai;

DEUTERONOMI 28:29

mitcaw nih mui lakah aa dah lengmang bantukin chun lai ah nan i dap lai i, nan lam ah khua awng nan pem lai lo. Hrem le ramh lawnglawng nan si thluangthluan ko lai i an bawmtu hna ahohmanh an um lai lo.

BIACEIHTU 4:4

Khi caan ah profetnu Deborah, Lappidoth nupi nih cun Israel mi cu bia a ceih hna.

BIACEIHTU 4:13

Sisera nih cun a rangleng vialte, thir rangleng za kua kha le amah sin i a ummi vialte kha Harosheth-hagoiim in Kishon tiva ah a pumh hna.

EXODUS 2:23

Caan saupi hnuah Izipt siangpahrang kha a hung thi. Israel mi cu an sal cannak ah khan an hrum an ai lengmang ko i bawmhnak hal in an ṭap. An ainak cu Pathian sin kha a phan i

BIACEIHTU 6:6

Cun Midian ruangah cun Israel cu a ṭumchuk ngaingai i Israel mi nih bawmhnak duh ah Bawipa sinah an au.

BIACEIHTU 10:10

Cun Israel mi nih Bawipa kha an auh i, “Nangmah cungah kan sual cang, zeitintiah kan Pathian kha kan hlawt i Baal kha kan biak hna,” tiah an ti.