BIACEIHTU 21:21 - Lai (Hakha) Common Language Bible 2006

²¹ Cun Shiloh khua ngaknu hna nih lamnak chung i i tel ve awkah an ra chuah tikah, mitsur dum chung cun ra chuak u law, Shiloh ngaknu hna cu pakhat nih pakhat cio nupi ah i tlaih hna u law, Benjamin ram ah kal tuah u.

BIACEIHTU 21:21 Խաչաձեւ Հղումներ

BIACEIHTU 11:34

Cun Jepthah cu Mizpah i a inn ah a tlung i zohhmanh, a fanu nih amah kha don awkah khuang tete le laam he a hung chuak; amah lawnglawng cu fa a ngei; amah hlei ah fapa siseh fanu siseh a ngei ti hna lo.

EXODUS 15:20

Profetnu Miriam, Aaron far nih khan khuang aa lak i nu vialte nih khan a hnu in an zulh i khuang tum pah cun an laam.

LUKA 17:25

Sihmanhsehlaw a intuar hmasat le tu chan mi hna nih an hlawt hmasa kha a herh lai.

MATTHAI 10:17

An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

JEREMIAH 31:13

Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

PHUNGCHIMTU 3:4

Ṭah caan a um, nih caan a um; ngaihchiat caan a um, lam caan a um;

SALM 150:4

Khuang le lam in thangṭhat u, tingtang le thonglawi in thangṭhat u!

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

2 SAMUEL 6:21

Cun David nih Mikhal cu, “Na pa le a innchungkhar vialte nakin keimah kha a ka thim i Israel mi cung i bawi a ka cantertu Bawipa hmaiah pei a si tiah — Bawipa hmaiah cun thanuamnak ka tuah ko lai.

2 SAMUEL 6:14

Cun David cu Bawipa hmaiah a thazang dihlak in a lam; David cu la hmang ṭhia tlangbawi angki aa hruk.

1 SAMUEL 18:6

Inn lei i an tlun lio, David nih Filistin mipa a thahnak in a kir tikah khan, Israel khua vialte in nu hna kha, hlasak pah le lampah in Siangpahrang Saul kha, khuang tete le lawmhnak hla le aw dawh tumnak hna he rak don awkah an chuak.

BIACEIHTU 21:20

Cun Benjamin mi kha nawl an pek hna i, “Va kal u law, mitsur dum chungah khan va bawh hna u law, va ngia hna u.

SOLOMON HLA 6:13

Rung kir rih law Shullam lengno nu, kannih bihzun lai dingah. Zei ah dah maw nan hei hoi rih lai Shullam miphun lengnu cu, Milaam bu hna karlak ah.