BIACEIHTU 20:37 - Lai (Hakha) Common Language Bible 2006

³⁷ Cun lamhruang attu pawl nih cun khulrang in an tho i Gibeah kha an nam; lamhruang attu hna cu an chuak i khua cu vainam in an sam dih.

BIACEIHTU 20:37 Խաչաձեւ Հղումներ

JOSHUA 8:19

Lamhruang attu hna nih khan khulrang tein an umnak khan an tho i a kut a samh cangka an tli i khua chungah an lut i an lak; cun khua cu mei in khangh awkah an i hnawhnam.

JOSHUA 6:5

Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti.

EXODUS 19:13

Ahohmanh nih tawngh loin thi lakin lung in cheh nan si lai, asilole thal in kah nan si lai. Mi zong saṭil zong hi ti hin tuah nan si lai; thah nan si hrimhrim ko lai,’ na ti hna lai. Tuuki muko kha tum a si tik lawnglawng ah mi zapi cu tlang cungah an kai kho lai,” a ti.

JOSHUA 8:13

Cuticun ralkap cu an chiah hna, riahhmunpi cu khua in chaklei ah, hnulei ralveng cu khua in nitlaklei ah. Sihmanhsehlaw Joshua kha cu zan cu nelrawn ah cun a riak.

JOSHUA 8:14

Cun Ai khua siangpahrang nih mah hihi a hmuh tikah amah le a mi vialte, khua chung i a ummi pa hna cu, khulrang in zingka tein Arabah lei i vung zuanchuknak ah khan Israel mi cu raldohnak hmun i ton awkah an kal; sihmanhsehlaw amah dohtu ah khua hnulei ah lamhruang attu an um ti kha a hngal lo.