BIACEIHTU 20:34 - Lai (Hakha) Common Language Bible 2006

³⁴ Israel mi lakin thim cikcekmi sang khat hna nih khan Gibeah cu an chuahhnawh i an i doh cu a fak. Sihmanhsehlaw Benjamin mi hna nih rawknak nih a kan naih ti kha an hngal lo.

BIACEIHTU 20:34 Խաչաձեւ Հղումներ

JOSHUA 8:14

Cun Ai khua siangpahrang nih mah hihi a hmuh tikah amah le a mi vialte, khua chung i a ummi pa hna cu, khulrang in zingka tein Arabah lei i vung zuanchuknak ah khan Israel mi cu raldohnak hmun i ton awkah an kal; sihmanhsehlaw amah dohtu ah khua hnulei ah lamhruang attu an um ti kha a hngal lo.

ISAIAH 47:11

Vanchiatnak kha na cungah a tlung lai i na camh nih khan an khamh kho lai lo. Hmakhatte ah na cungah rawhralnak a tlung lai — na mang hmanh i na manh bal lomi rawhralnak kha a tlung lai!

JOB 21:13

Rumnak in an chan cu an hman i daihnak in Sheol ah cun an vung kal.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

MATTHAI 24:44

Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

PHUNGCHIMTU 9:12

Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

PHUNGTHLÛKBIA 29:6

Miṭhalo cu amah sualnak nih khan a foih, Sihmanhsehlaw miding cu an i lawm i an luat.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

BIACEIHTU 20:35

Cun Bawipa nih Benjamin cu Israel hmaiah a tei; Israel mi nih khi ni ah Benjamin mi cu sang hnih thong nga za khat an thah hna. Hi mi hna cu vainam tlai an si dih.