BIACEIHTU 2:13 - Lai (Hakha) Common Language Bible 2006

¹³ Bawipa cu an hlawt i Baal hna le Ashtaroth kha an biak.

BIACEIHTU 2:13 Խաչաձեւ Հղումներ

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SIANGPAHRANG 11:5

Zeitintiah Solomon nih cun Sidon mi hna khuazingnu Ashtoreth le Ammon mi hna pathian fihnung Milkom kha a zulh hna.

2 SIANGPAHRANG 23:13

Jerusalem nichuahlei, rawhralnak tlang in thlanglei i a ummi khuahrum bo hna kha siangpahrang nih cun a thurhnawmhter hna; mah cucu Israel siangpahrang Solomon nih Sidon mi pathian fihnung Ashtoreth le Moab mi pathian fihnung Khemosh le Ammon mi pathian fihnung Milkom ca i a sermi kha an si.

2 CHANRELNAK 12:2

Siangpahrang Rehoboam a bawi kum nganak ah, annih cu Bawipa sinah zumhawktlak an si ti lo caah, Izipt siangpahrang Shishak nih Jerusalem cu,

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

2 CHANRELNAK 33:3

Zeicahtiah a pa Hezekiah nih a rak hrawhmi khuahrum bo kha a ser ṭhan hna i Baal caah khan biakṭheng a ser hna i Asherah hna kha a ser hna i van i a ummi thil vialte kha a biak hna i an rian a ṭuan hna.

2 CHANRELNAK 7:22

Khi tikah annih nih an i thawh lai i, ‘Zeicahtiah annih nih Bawipa, an pupa hna Pathian, Izipt ram in a chuahpitu hna kha an hlawt i pathian dang kha an i tlaih i an biak hna i an rian an ṭuan hna caah a si; cucaah hi ṭhat lonak vialte hi an cungah a tlunter,’ an ti lai,” tiah a ti.

SALM 106:36

Pathian mi nih cun siasal kha an biak hna i cucu an rawhnak a chuahtertu kha a si.

JEREMIAH 16:11

Cun nang nih na leh hna lai i, ‘Nan pupa hna nih an ka hlawt i pathian dang kha an zulh hna i an rian an ṭuan hna i an biak hna caah a si. An ka hlawt i ka phungbia kha an ngai lo.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

NAMBAR 25:3

Cu bangin Peor i Baal he cun Israel mi cu an i khitbanh i, Bawipa thinhunnak cu Israel cungah a alh;

1 KORIN 8:5

Vancung ah siseh vawleicung ah siseh pathian timi cu a um zong an um ko lai, cun pathian timi hna hi le bawipa timi hna hi tampi zong an si ko lai,

BIACEIHTU 10:6

Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.

BIACEIHTU 2:11

Cun Israel mi nih Bawipa mithmuh i thil ṭhalo a simi kha an tuah i Baal kha an biak hna.

BIACEIHTU 3:7

“Cun Israel mi nih Bawipa mithmuh i thil ṭha lo kha an tuah, Bawipa an Pathian kha an philh i Baal hna le Asherah hna rian kha an ṭuan hna.

1 SAMUEL 12:10

Cun Bawipa kha an auh i, ‘Bawipa kha kan hlawt i Baal le Ashtaroth kha an rian kan ṭuan hna caah kan sual cang; sihmanhsehlaw atu cu kan ral hna kut chungin kan chuahter law, nangmah na rian kan ṭuan lai,’ an ti.

1 SAMUEL 31:10

A ralthuam cu Ashtaroth biakinn ah an chiah; cun a pum cu Bethshan kulhnak vampang ah an tar.

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.