BIACEIHTU 19:22 - Lai (Hakha) Common Language Bible 2006

²² Cun annih nih thanuam in an um lioah khan, zohhmanh, cu khua chung i zei ruaram lomi hna nih cun inn kha an kulh i innka kha an cumh len. Cu inn ngeitu tarpa kha, “Na inn ah a lutmipa kha kan theihhngalh nakhnga hun chuahpi tuah,” tiah an ti.

BIACEIHTU 19:22 Խաչաձեւ Հղումներ

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

BIACEIHTU 20:5

Cun Gibeah mi hna nih cun an ka chuahhnawh i zan ah ka riahnak inn cu an kulh. Keimah kha thah an ka timh i ka nuchun kha an sual i a thi.

DEUTERONOMI 13:13

mi zeirualo a cheukhat nih nannih lakah an kal i cu khua chung i a ummi hna cu an pialter hna i, nan hngalh lomi pathian hna cu, ‘Kal u sih law, pathian dang kha bia hna u sih,’ tiah an ti nan theih ahcun,

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

2 KORIN 6:15

Zeitindah Khrih le Khuachia cu an lung aa khah khawh lai? Zumtu le zumlotu nih zeidah an ngeih ṭi khawhmi a um?

1 SAMUEL 25:25

Ka bawipa nih hi michiakha, Nabal hi zei ah relpiak loin um ko seh, zeitintiah a min bantukte hi amah cu a si ko; Nabal a min a si bang, mihrut a si ko; sihmanhsehlaw ka bawipa nangmah na tlangval na rak thlahmi hna cu keimah na salnu nih hin ka rak hmu hna lo.

1 SAMUEL 2:12

Cun Eli fapa hna cu mizeiruaramlo an si; Bawipa kha an hmaizah lo.

BIACEIHTU 16:25

Cun an lung kha aa lawmh tikah annih nih, “Samson kha va ko tuah u, nunnuam kan tuahpiak seh,” tiah an ti. Cucaah Samson cu thong chung khan an auh i an hmaiah nunnuam cu a tuahpiak hna. Tung karlak ah khan an dirter i

HOSEA 10:9

Gibeah i sualnak an rak tuahnak thawk khan ka cung i sualnak tuah hi Israel mi nih an ngol rih lo. Cucaah ral nih Gibeah ah a phak hna lai.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.

1 SAMUEL 1:16

Na salnu hi nu ṭhalo ah ka rel hlah, zeitintiah ka lung retheihnak le ka ngaihchiatnak pei ka chim lengmangmi hi a si cu,” tiah a ti.

1 SIANGPAHRANG 21:10

cun mi ṭhiṭhalo pahnih in amah hmaiah cun chia hna u law, ‘Nangmah nih Pathian le siangpahrang chiat na serh hna,’ tiin bia puh hna seh. Cun chuahpi u law thi lakin lung in chep u,” tiah a ṭial.

EZEKIEL 16:46

Na u nu cu na chak i a fale he a ummi Samaria kha a si; na nau nu cu na thlanglei ah a fale he a ummi Sodom kha a si.

BIACEIHTU 20:6

Cun ka nuchun cu ka lak i ka can i Israel comi ram chung dihlak ah khan ka kuat; zeitintiah Israel chungah fihnung le hawrnak kha an tuah.